Вирджиния

Вирджиния, англ. Virginia,   vɚˈd͡ʒɪnjə (файл), официална назва — Сполоченство Вирджинии,англ. Commonwealth of Virginia — штат во выходной части США, еден зо закладаючых штатох: прилучив ся до унии 25. юна 1788 яко десятый штат.^[1]

Штат США

Вирджиния
Virginia (VA)
Застава и печать
Держава	США
Подрядность	США
Заложѣня	25 юній 1788
Розлога	110 786 км2
Обывательство	8 535 519 особ (2019)
Центер	Ричмонд 37°32′N 77°28′W
Зложѣня	Аккомак, Албемарл, Аллегені, Амелія, Амгерст, Аппоматтокс, Арлінгтон, Огаста, Бат, Бедфорд, Бленд, Ботаторт, Брансвік, Б'юкенан, Бакінгем, Кемпбелл, Керолайн, Керролл, Чарлз, Шарлотт, Честерфілд, Кларк, Крейг, Калпепер, Камберленд, Дікенсон, Динвідді, Ессекс, Ферфакс, Фокір, Флойд, Флуванна, Франклін, Фредерік, Джайлс, Глостер, Гучленд, Грейсон, Ґрін, Грінсвілл, Галіфакс, Гановер, Генрайко, Генрі, Гайленд, Айл-оф-Вайт, Джеймс, Кінг-енд-Квін, Кінг-Джордж, Кінг-Вільям, Ланкастер, Лі, Лаудун, Луїза, Луненбург, Медісон, Метьюз, Мекленбург, Міддлсекс, Монтгомері, Нелсон, Нью-Кент, Нортгемптон, Нортамберленд, Ноттовей, Орандж, Пейдж, Патрік, Піттсильванія, Паугатен, Принц-Едвард, Принц-Джордж, Принц-Вільям, Пуласкі, Раппаганнок, Ричмонд, Роаноук, Рокбридж, Рокінґгем, Расселл, Скотт, Шенандоа, Сміт, Саутгемптон, Спотсильванія, Стаффорд, Саррі, Сассекс, Тейзвелл, Воррен, Вашингтон, Вестморленд, Вайз, Віт, Йорк, Вейнсборо, Ричмонд, Чесапік, Норфолк, Вірджинія-Біч, Емпорія, Ньюпорт-Ньюс, Гемптон, Саффолк, Портсмут, Покосон, Франклін, Фолс-Черч, Фредеріксбург, Вільямсбург, Вінчестер, Лексінгтон, Александрія, Ферфакс, Колоніал-Гайтс, Роанок, Сейлем, Гопвел, Мартінсвілл, Стонтон, Манассас-Парк, Нортон, Гейлакс, Б'юна-Віста, Бристоль, Ковінгтон, Данвілл, Гарісонбург, Пітерсбург, Лінчберг (Віргінія), Радфорд, Шарлотсвілл, Манассас
Язык	анґліцькый язык
Губернатор	Ralph Northam
Интернет-сайт	https://www.virginia.gov
Вирджиния на Викискладѣ VIAF:313222579;GeoNames:6254928;OSM:224042; Ту можуть быти податкы з Wikidata, не контролованы авторами статѣ

Полога Вирджинии в Споеных Штатох

Обывательство 8 535 519 особ (2019). Административный центер — Ричмонд. Найвекшый город — Вирджиния Бич.^[1]

Обывательство

Вирджиния мать значну часть афроамерицкого обывательства: около 20% (при зачатку домовой войны 1861–1865 было 50%). В сѣверных округах около Вашингтона, округ Колумбия, значна часть имигрантох найновшого часу и тоты округы мають козмополитичный характер административного центра державы. Зосталы районы штата заховали дух конзерватизма, ту ишов сторочами земледѣлскый живот, и вдякы аристократичным традициям, термин «джентлмен из Вирджинии» став ся синонимом благородства и утончености.^[1]

Економика

Земледѣлство, котре даколи было основов економикы штату, теперь въедно з рыбарством и лѣсным газдовством чинить менше 1% грубого домашного продукта. Штат мать добрѣ збалансовану економику з указовачами, высшыма од середных в США. Ведучым сектором суть службы. Значно ся росширив сектор высокых технологий. Найвекшым инвестором е федерална влада: в штатѣ умѣщены многы войсковы инштитуции, меджи нима и главный стан Централной розвѣдной агенции (CIA); тото и невелика оддаленость од Вашингтона, округ Колумбия, приспѣвають ку економичному росту. Вирджиния е меджи найлѣпшыма штатами в придѣлѣ федералных финанций на едного обывателя и еден з найбогатшых штатох Южного региона подля зыскох на едного обывателя.^[1]

Интересны факты

• В часѣ домовой войны 1861–1865 Ричмонд быв главным городом Конфедерации (южных штатох), а родак Вирджинии, генерал Роберт Ли стояв на челѣ войска Конфедерации.
• З Вирджинии походили президенты Джордж Вашингтон, Томас Джефферсон и Джеймс Медисон, котры заграли важну роль во формованю Споеных Штатох в первы десятьроча.^[1]
• На честь штата названа планетка (50) Вирджиния.

Жерела и одказы

• Robert J. Norrell and Charles Loreaux Quittmeyer (April 02, 2020). Virginia. Encyclopædia Britannica. https://www.britannica.com/place/Virginia-state. [перевірено 2020-08-26].англ.