Вроцлав

Вроцлав, пол. Wrocław, чеш. Vratislav, нѣм. Breslau — город на рѣцѣ Одра на югозападѣ Польщи, на новоодзысканых землях, административный центер воеводства Долна Шлезия, четвертый найвекшый подля обывательства город штату.^[2][3]

Найвекшый город новоодзысканых земель Вроцлав Wrocław пол. Застава Герб Держава ПольщаПольща Воеводство Долна Шлезия (dolnośląskie)Долна Шлезия (dolnośląskie) Ранг город на правах повѣту Координаты 51.11, 17.02222251°06′36″ с. ш. 17°01′20″ в. д.51.11° с. ш. 17.022222° в. д. (G) (O) (Я) Розлога 292,82 км² Надморска вышка 105–156 м Обывательство 637 782[1] особ (2011) Часова зона UTC+1, влѣтѣ UTC+2 Телефонный код +48-71 Поштовый индекс 50-001 – 54-705 SIMC 0986283 Официалный сайт пол., англ., нѣм., укр. Вроцлав

Полога

Лежить на Шлезской низинѣ, на рѣцѣ Одра и ей притоках, в одстояню 80 км од чешской и 150 км од нѣмецкой границѣ. Великый транспортный узел: 9 конари желѣзниць, желѣзничный дворець, автоштация, меджинародне летиско Миколая Коперника, рѣчный пристав.^[3][2]

Обывательство

Вроцлав — четвертый найвекшый город Польщи, по Варшавѣ, Краковѣ и Лодзи.^[3] Але официалны статистичны числа обывательства не беруть на увагу людей, котры ту жиють без приголошѣня, меджи тыма найвекшы групы то штуденты и чужоземцѣ. Подля непрямых вырахункох, напримѣр через спотребованя обывателями воды, а тыж даных полиции, Вроцлав неофициално мать милион обывательох.^[4]

История

Вроцлав первый раз упомянутьй в року 980 яко Бреславль. Од конця X. стороча входить до польской державы.^[3] Од року 1261 достав автономию на основѣ магдебургского права, в року 1335 яко Вратислав перейшов ку Чехии въедно з цѣлов Шлезиев, а в року 1526 ку Габсбургам; в року 1741 ку Пруссии и так наконець став ся частьов Германии, а по Другой свѣтовой войнѣ — Польщѣ.^[3][2]

Газдовство

Во Вроцлаве суть найвекшы в Польщи мукомолны капациты, електронный промысел и обробка данных, ливарскы выробнѣ, фабрикы тяжкого машинарства, текстилны фабрикы, фабрика мѣдяной компании Hutmen и подприятя потравинарского промысла.^[2]

Интересны факты

• Уже в року 2017 кажый десятый обыватель города быв гастарбайтер з Украины; творять они найвекшу народностну меншину Вроцлава.^[5]
• В року 2018 на 25 высшых школах Вроцлава учили ся 110 тысяч штудентох.^[4]

Жерела и одказы

• Wrocław. Encyclopedia Britannica. 22 Nov. 2018. https://www.britannica.com/place/Wroclaw. [перевірено 2021-04-14].англ.
• Синицина И. С. (2020). ВРОЦЛАВ. //Большая российская энциклопедия. Электронная версия. https://old.bigenc.ru/geography/text/5747318. [перевірено 2021-04-14].русс.