Генрик Фонтаньски

Генрик Фонтаньски, пол. Henryk Fontański, *30. януар 1947, Ченстохова — польскый филолог, лингвист, универзитный професор.^[1]

Генрик Фонтаньски Генрик Fontański
Henryk Fontański пол.
Увидьте фото
Познатый як	слависта
Горожанство	Польско
Уроджѣня	януара 30., 1947 (1947-01-30) (78 р.) Ченстохова
Научна робота
Сферы наук	лингвистика
Ученый ступень	професор
Alma mater	Опольска универзита
Одзнакы
*** VIAF:54566163; GND:105576416X; LCCN:n80164240; Ту можуть быти податкы з Wikidata, не контролованы авторами статѣ

Фонтаньски выштудовав русистику на Высшой педагогичной школѣ в Ополю (1971). По закончѣню штудий асистент професора Станислава Кохмана, в року 1976 зыскав докторат. Од року 1978 перешов до Шлезской универзиты (1978 — доктор габилитованый гуманитарных наук; 2000 — професор). Организовав Оддѣл русско-польской компаративной лингвистикы. В роках 2000–2005 быв продеканом филологичной факулты, а в роках 2008–2016 – директором Инштитуту выходнославянской филологии Шлезской универзиты. Преподавав тыж на Педагогичной академии в Краковѣ (2003–2007).^[2][3] Шпециализовав ся з карпаторусинскых диалектох.^[1]

Од зачатку 1990-х активно сполупрацуе з лемковскыма шпециалистами в сферѣ кодификации лемковского языка, зокрема зоз Стоваришѣньом Лемкох, стоваришѣньом Руска Бурса и Стоваришѣньом лемковской молодежи Чуга.^[2]

Опубликовав даколько робот на тоту тему. В сполуавторствѣ з Мирославов Хомяк выпрацовав штандарт лемковского языка „Ґраматыка лемківского языка‟ (2000).^[1]

В року 2003 на Педагогичной академии в Краковѣ организовав научно-дидактичну конференцию про учительох лемковского языка, в року 2006 — конференцию Дилемы лемковской самоидентификации — аспект историчный, языковый, културовый, сполоченскый, в року 2007 — III. Меджинародный конгрес русинского языка в Краковѣ.^[2]

В року 2015 выступовав на IV. Меджинародном конгресѣ русинского языка в Пряшовѣ.^[4]

Жерела и одказы

• Paul Robert Magocsi. Fontański, Henryk. in Paul Robert Magocsi, Ivan Pop. //Encyclopedia of Rusyn History and Culture (Revised and expanded ed.). Toronto Buffalo London: University of Toronto Press, 2005. p. 125. ISBN 0-8020-3566-3.англ.
• Revitalizing Endangered Languages - Partners. Uniwersytet Warszawski. http://www.revitalization.al.uw.edu.pl/eng/Page/Partners_-_UP. [перевірено 2022-02-01].пол.