Гийом Аполлинер
From Wikipedia, the free encyclopedia
Remove ads
Гийом Аполлинер, фр. Guillaume Apollinaire, властным йменом Вилгелм Алберт Владимир Александр Аполлинарий Костровицкый, *26. август 1880, Рим – †9. новембер 1918, Париж — французскый поет, писатель, умѣлецкый критик и участник вшиткых авантгардных рухох, процвѣтавшых во Франции в зачатку XX. стороча.[2][3]
Remove ads
Биография
В биографии Аполлинера много бѣлых мѣст, едным з котрых е походжѣня. То не лем вина биографох, але и сам поет любив мистификации и замглавлѣня.[4] Бизовно мож знати лем то, же мати му, польска аристократка Ангелика Костровицка з роду Вонж, од малости была «тяжкый дѣтвак», а в зрѣлости — газардерка. Яко слободна мати, мала Вилгелма и о два рокы молодшого Алберта, котрых оддала до сиротинця, але поздѣйше забрала и записала на свое призвиско. Дѣдо поета, Аполлинарий Костровицкый, капитан российского войска, мав маеткы коло Новогрудка (днесь Бѣлорусь), а по емиграции до Италии служив офицером папской гвардии.[5] Коли Вилгелм мав девять рокы, мати з двома дѣтми зохабили Рим и одышли до Монака, позднѣйше — на южный берег Франции.[6] Вилгелм ся учив добрѣ, але в року 1897 в лицею Ницы писомный матуралный испыт провалив,[5] по чому постановив лишити школу, а оддати ся наповно литературѣ.[4] Мати з новым приятельом живота и двома дѣтми переселяють ся спочатку в алпскый регион Франции, пак в централный регион, а в року 1899 — до Парижу.[5] Ту Вилгелм оддѣлять ся од родины и веде самостойный, богемскый живот.[3]
Як многы револуционеры в умѣню, Аполлинер быв психично нестабилный и политично безпринципный. Высмѣвав хыбы буржоазного сполоченства, а при том усиловав ся указати свою лоялность и домогав ся ордена; высмѣвав солдатеску, а в часѣ войны учинив ся великым патриотом Франции и солдатом Чужоземной легии, але тот патриотичный здвиг ишов въедно з психичнов страченостьов и творчым упадком.[7]
17. марца 1916 достав тяжку рану головы, з котрой ся уж не выздоровѣв, а далшы два рокы живота были роками поступного гаснутя. Демобилизованый в року 1916 достав французске горожанство, котрого давно домогав ся. Умер в року 1918 на испанску хрипку, в часѣ пандемии. Посмертно достав честне званя Упавшый за Францию.
Remove ads
Творба
В року 1901 дебютуе в мѣсячнику La Grande France кытицьов поезий, котру подписуе властным призвиском Костровицкый, а уже в року 1902 в La Revue blanche появлять ся его повѣданя Герезиарх (L’Hérésiargue) под псевдонимом Гийом Аполлинер, котрый скомпоновав з первого и послѣдного своих крестных имен, переробленых на французскый взор. Скорша лирика Аполлинера розвивала ся под вплывом символизму, обсяговала социалны и револучны темы. В року 1904 спознав ся з Пикассом, з его трактованьом кубизму, як умѣня, указуючого свѣт не такым, як го видить малярь, але такым, якым го мыслить, же таке аналитичне малярство годно роскрыти внуторну суть, «константы бытя».[4]
Аполлинер, описавшый в книзѣ Малярѣ-кубисты (Les Peintres cubistes, 1913) принципы малярского кубизма, сам достав ся под вплыв той школы и пробовав перенести ей поступы на умѣня словесне.[7] Як знати, кубизм в малярствѣ не сповнив надѣи его зачинательох. Але немало западных историкох умѣня поважують, же в литературѣ такых пруд вывинув ся, а найвекшым его представительом быв Аполлинер. Часто кубизм звязують з футуризмом, якого во Франции фактично не было, а в таком прудѣ, кубофутуризмѣ зась указують на Аполлинера, як основного представителя.[4]
Творчы дорогы Аполлинера перекрещують ся не лем з кубизмом, але и з иншыма авантгардныма прудами, але найвызнамнѣйше мѣсто достав у него надреализм, котрый ся вывинув уже по смерти поета. Сам термин заведеный ним в року 1917, коли была представлена «надреалистична драма» Цицкы Тиресия (Les mamelles de Tirésias).[4][2]
В поезии Аполлинер выхосновав технику быстрозмѣнных филмовых образкох, переданых в словесной формѣ. У него, як то стало каноном надреализма, не е певной композиции, намѣсто того слѣдуе поток образкох. Тому подляг и язык, котрый не мать ниякых знакох интерпункции.[1]
Читателѣ не прияли зберку Алкоголы, котра перечила усталеным представам о литературных жанрах и поетичном образѣ,[6] а постановка Цицкы Тиресия, в котрой автор высмѣвав ся над буржоазнов публиков, вызвала побурѣня меджи зрителями.[7] Але творба Аполлинера заинтересовала наступны генерации и мала широку одозву по свѣтѣ.
Remove ads
Интересны факты
Жерела и одказы
- Josef Kotrč, Josef Kotalík: Stručné dějiny československé literatury pro vyšší třídy škol středních. V Praze, nákladem Československé grafické unie A.S., 1934. Cс. 166, 205. чеш.
- Jerzy Kwiatkowski: wstęp do Wyboru poezji Guillaume’a Apollinaire’a. Wydawnictwo Zakład Narodowy im. Ossolińskich, 1975. С. 3. пол.
- Дмитро Наливайко: Шляхами оновлення поезії //Гійом Аполлінер. Поезії — Київ: Дніпро, 1984 Cс. 5–38. укр.
- Ніколенко О.: Аполлінер, Гійом //Зарубіжні письменники. Енциклопедичний довідник у двох томах. Том 1. — Тернопіль: Навчальна книга – Богдан, 2005. ISBN 966-692-578-8 Cс. 53–56. укр.
- Песис Б.: Аполлинер // Литературная энциклопедия: В 11 т. — [М.], 1929–1939. Т. 1. — [М.]: Изд-во Ком. Акад., 1930. — Стб. 193–194. Одчитане: 28.08.2020 русс.
- Скуратовская А. П.: АПОЛЛИНЕР // Большая российская энциклопедия. Том 2. Москва, 2005, стр. 113–114 Верзия: 2016. Одчитане: 28.08.2020 русс.
- Guillaume Apollinaire. Encyclopædia Britannica. August 22, 2020. https://www.britannica.com/biography/Guillaume-Apollinaire. [перевірено 2020-08-28].англ.
Remove ads
Референции
Wikiwand - on
Seamless Wikipedia browsing. On steroids.
Remove ads