Грубый домашный продукт

Грубый домашный продукт (ГДП, англ. GDP — gross domestic product) — пѣняжна вартость вшыткых финалных (циже назначеных про пряму спотребу, експорт и акумулацию) товарох и служб, вытвореных в економицѣ державы, або територии за рок.

ГДП держав свѣта, 2014

Тот макроекономичный указовач характеризуе выконность економикы державы або територии. Тот указовач не указуе богатство державы, але прирост богатства за рок.

ГДП подля ПНС, 2021

Методы вырахованя ГДП

Суть три методы вырахованя ГДП:

• подля зыскох,
• подля выдаткох,
• подля приданой вартости.

ГДП на особу

В межинародных поровнанях выконности економик хоснують указовач ГДП на особу, котрый вызначить ся дѣленьом ГДП на число обывательох державы або територии, чим ся елиминуе роздѣл в розмѣрах держав.

${\displaystyle \mathrm {GDP} _{\text{per capita}}={\frac {\mathrm {GDP} }{\mathrm {Z} _{\text{population}}}}}$

Межинародны поровнаня

Про межинародны поровнаня ГДП ся рахуе в свѣтовых валутах, обычайно доларах США. Перерахунок з националной валуты до доларох США робить ся подля бѣжного курзу. Про векшу адекватность поровнаня намѣсто бѣжного курзу поуживать ся парита накупной силы (ПНС).

Жерела и одказы

• Свѣтовый банк: ГДП держав свѣта подля ПНС в року 2016 (.pdf)^[1]