Донецька область

Доне́цька о́бласть (укр. Донецька область) є єдна з областей Україны, котра лежыть на выходї штату. Єй головне місто є Донецьк, але кедьже в области проходять воєньскы дїяня од року 2014 і єй часть під російсков окупаціёв, центер практічно перенесли до Краматорьска^[2]. Область гранічіть із Луганьсков, Днїпропетровсков, Харьковсков, Запорізьков областями і має граніцю з Ростовсков областёв Росії.

Донецька область
укр. Донецька область
образок
Основна інформація
Країна	Україна
Адміністратівный центер	Донецьк (де юре) Краматорьск[1] (де факто)
Найвекшы міста	Донецьк, Маріуполь, Макіївка, Краматорьск, Словяньск, Бахмут, Покровск, Єнакієве, Сіверьскодонецьк
Входить	8 раёнів
Теріторія і обывательство
Хоснованя	17. юла 1932
Урядный язык	україньскый
Розлога	26 517 км²
Обывательство	4 059 372
Густота обывательства	152,97/км²
Етнічны ґрупы	Українцї (57%) Росіяне (38%) Ґрекы (1,6%)
Офіціалны адресы
Вебова сторінка	Донецька ОДА Донецька облрада
Мапа
полога

До новембра 1961 область ся называла Сталіньска, а Донецьк — Сталіно, на честь бывшого совєтьского політіка Йосифа Сталіна. В процесї „десталінізації“ была область переменована на нынїшню назву подля рїкы Сіверьскый Донецьк.

Донецька область є єднов із найважнїшых промысловых областей Україны, окреме в тяжкій промысловости, металурґії, углёдобуваню і машынобудованю. Она має тыж і богаты природны ресурсы, як камяне угля.

Адміністратівне дїлїня

До року 2020 область мала дїлїня на 18 раёнів і 28 міст обласного вызнаму з властныма справныма орґанами. По адміністратівній реформі з року 2020 было створено 8 новых раёнів,^[3] з котрых три (Горлівскый, Донецькый, Кальміускый) суть окупованы непризнанов самовыголошенов ДЛР, і так екзістують лем де юре.

Мапа	Чісло	Русиньска назва	Україньска назва	Місто
1 2 3 4 5 6 7 8
	1	Краматорьскый раён	Краматорський район	Краматорьск
	2	Бахмутьскый раён	Бахмутський район	Бахмут
	3	Покровскый раён	Покровський район	Покровск
	4	Горлівскый раён	Горлівський район	Горлівка
	5	Волновашскый раён	Волноваський район	Волноваха
	6	Донецькый раён	Донецький район	Донецьк
	7	Маріупольскый раён	Маріупольський район	Маріуполь
	8	Кальміускый раён	Кальміуський район	Кальміуск

Обывательство

Дінаміка етнічного та языкового сложіня обывательства на теріторії Донецькой области

Найвекше пошырёваня материньского языка у містах і сельрадах Донецькой области подля перепису 2001

Подля 1. фебруара 2015 р. обывательство Донецькой области было 4 288 258 людей (10,11% од обывательства Україны). Густота 162,49 чоловік/км². Містьске обывательство творить 90,84%. Етнічне зложіня: Українцї 56,87%, Росіяне 38,22%, Ґреци 1,6%, Білорусы 0,92%, Татары 0,4%, Армяне 0,33%, Жыде 0,18% і іншы.^[4] Обывательство ся вызначає многонародностым, ту жыють веце 120 етнічных народностей.

В народностім зложінї обывательства области Українцї переважають над Росіянами. У теріторіалнім обывательству векшына часть Українцїв є в северных, северозападных і югозападных раёнах области. У трёх містах (Донецьк, Макіївка і Єнакієве) часть Росіян є трохы векшов чім самых Українцїв.