Евреи

Евре́и — сполочна етнична назва ряда народностей, исторично походячых од стародавных Гебрейох. Днешны Евреи жиють в розличных державах свѣта, цѣлковов популациев около 14 млн особ (шацованя, 1983).^[1]

Евреи
יהודים (Jehudim)
יְהוּדִי (Jehudi)

Юда Макавей, Йозеф Флавий, Акиба бен Йозеф, Мойсей Маймонид, Барух Спиноза, Зигмунд Фройд, Шолом Алейхем, Алберт Айнштайн, Емми Нетер, Давид Бен Гурион, Марк Шагалл, Натали Портман
Популация
14 млн особ (шацованя, 1983).[1]
Регионы зо значнов популациов
Израел 6 042 000 США 5 835 000 [2] Россия 551 000 [2] Франция 535 000 [2] Украина 487 000 [2] Канада 325 000 [2] Велика Британия 300 000 [2]
Языкы
иврит, идиш, ладино
Религия
юдаизм

Етимология

Назва Еврей, переважно книжна, пришла через старославянскый зоз давногрецкого гебрайос; византского евреос, котры, зо свого боку, походять од ивритской самоназвы עִבְרִי иври. Буквално иври — приходник с другого боку.^[3]

Иншы, переважно бесѣдны назвы, Жид, Юдей, в латинѣ judaeus, англицке Jew, нѣмецке Jude, польске, словацке и чешске Żyd походить од ивритского йегуди, што зачаточно означало потомка Йегуды, праотця едного з еврейскых племен, а пак ся однесло фигурално на вшиткых Еврейох.^[3]

Етнолингвистичны групы

Ашкеназы

Перед 2. свѣтовов войнов 90% Еврейох односили ся ку той групѣ (Ашкеназ в давногебрейчинѣ — Германия). Язык Ашкеназох, идиш, родив ся в Германии в X. – XII. сторочах и росширив ся найвеце, перед 2. свѣтовов войнов говорило идишом 11 млн особ, в сучасности в Израелу говорить ним майже половка обывательства.^[2]

Сефарды

Група, котра примѣрно в том истом часѣ вывинула ся в Испании, а по выгнаню од року 1492 росширила ся переважно на югу Европы и на сѣверѣ Африкы. Сефардами часто называють вшиткых Еврейох, котры не суть Ашкеназами.^[4] Сефарды говорять языком ладино, подобным испанскому.^[1]

Иншы

Ествуе еще веце етнолигвистичных груп Еврейох, переважно в окремых державах и регионах (Бухара, Грузия, Етиопия, Йемен, Китай, Сѣверный Кавказ и др. Общым языком вшиткых Еврейох е иврит, урядный язык Израела.^[5]

Жерела и одказы

• Народы и религии мира: Энциклопедия / Гл. ред. В. А. Тишков, Редкол.: О. Ю. Артемова, С. А. Арутюнов, А. Н. Кожановский и др. — М.: Большая Российская энциклопедия, 1999. - 928 с: ил. ISBN 5-85270-155-6
• УСЭС: Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 1. ISBN 5-88500-001-8
• Еврей. //Электронная еврейская энциклопедия ОРТ
• Сефарды. //Электронная еврейская энциклопедия ОРТ
• Этнолингвистические группы. //Электронная еврейская энциклопедия ОРТ