Езра Корнелл
From Wikipedia, the free encyclopedia
Remove ads
Езра Корне́лл, анґл. Ezra Cornell; *11. януар 1807, Уестчестер Лендинг, штат Ню Йорк, США – †9. децембер 1874, Итака, штат Ню Йорк, США — америцкый бизнисмен, вынаходник, меценаш.[1]
Езра ся родив в осадѣ Уестчестер Лендинг, штат Ню Йорк, котра днесь полыгнута городом Ню Йорк. Отець му быв горнчарь. Езра выучив ся на тесаря и заробляв, путуючи з мѣста на мѣсто. Од року 1828 выбрав за мѣсто свого сталого бываня Итаку.[2]
В року 1842 спознав ся зоз Семюелом Морзе и став ся дозорцьом выставбы первой телеграфной линии меджи Балтимором и Вашингтоном (1844). На выставбѣ телеграфных линий заробив великы грошѣ и в року 1855 основав компанию Western Union Telegraph, де быв еден час найвекшым акционером.[1]
В роках 1861–1866 быв членом парламента штата Нью-Йорк.[3] В року 1864 основав Публичну библиотеку в Итацѣ. На основѣ акта Морилла (1862) о федералных поземках про аграрны коледжѣ въедно з Ендрю Уайтом в року 1865 основав Корнеллову универзиту, котра ся отворила в року 1868. Езра Корнелл финансовав тыж выставбу желѣзничной линии до Итакы, котра вылѣпшила приступ и приспѣла ку розвою города.[1]
Remove ads
Жерела и одказы
- Ezra Cornell. Encyclopædia Britannica. https://www.britannica.com/biography/Ezra-Cornell. [перевірено 2020-06-17].
- Edward L. Lach, Jr.. Cornell, Ezra. American National Biography. https://www.anb.org/view/10.1093/anb/9780198606697.001.0001/anb-9780198606697-e-1000337. [перевірено 2020-06-17].
- Ezra Cornell. NNDB. https://nndb.com/people/456/000135051/. [перевірено 2020-06-17].
Референции
Wikiwand - on
Seamless Wikipedia browsing. On steroids.
Remove ads