Жарновець (Подкарпатске воеводство)

Жарновець – село в Польщи над рѣков Ясьолка, положене в воеводствѣ Подкарпатском, в повѣтѣ Кросненском, в гминѣ Йедличѣ, одстоить 3.6 км на юг од Йедличох.^[2]

Складовы части села Жарновець

SIMC	Назва	Тип
0353862	Дол (поль. Dół)	часть села
0353879	Гора (поль. Góra)	часть села
0353885	Горка (поль. Górka)	часть села

Суть другы вызнамы, см. Жарновець.

Cело Жарновець Żarnowiec поль. Музей Марии Конопницкой Давны назвы Żarnowiec, 1536 Держава ПольщаПольща Воеводство ПодкарпатскеПодкарпатске Повѣт Кросненскый Гмина Йедличѣ Координаты 49.694722, 21.657549°41′41″ с. ш. 21°39′27″ в. д.49.694722° с. ш. 21.6575° в. д. (G) (O) (Я) Обывательство 1113 особ (2016[1]) Часова зона UTC+1, влѣтѣ UTC+2 Телефонный код +48-13 Поштовый индекс 38-460 SIMC 0353856 Жарновець

История села

Село належало розличным шляхтичскым родам.

Подобно як околичны села дознало в своей истории моры, природны катастрофы, найвецей выливы Ясьолкы. Але найгорше го нищили напады чужых войск: татарскых (1624), шведскых (1655), мадярскых (1657), российскых (1769), австрийскых (1772) и нѣмецкых (1939-1944).

Шляхтичскый маеток з XVIII-XIX в. и XIX-вѣчный парк над рѣков выкупили в року 1903 од Ядвигы Бехоньской з роду Чечелюв и переказали яко сполоченскый дар Марии Конопницкой. До року 1956 маеток зоставав во властництвѣ родины Конопницкой. В том року дѣвка Конопницкой Зофия Мицкевичова переказала маеток державѣ. Од 15. септембра 1960 фунгуе яко музей.

Атракции

• Маеток Марии Конопницкой з року 1901
• Народна школа з року 1886
• Стары хыжы (nr 130, 131, 132) з XIX. вѣку

Тыж мож пообзерати:

• Костелик (новый)
• Школу, фундовану Америцкыма Поляками
• Народный дом

Жерела и одказы

• Słownik geograficzny Królestwa Polskiego i innych krajów słowiańskich, том XIV, с. 743. поль.
• Музей Марии Конопницкой в Жарновцю поль.
• Официалный сайт музея поль.