Иван Ковач (композитор)

И́ван Ко́вач, * 1. август 1937, Руски Керестур, Войводина – 18. апрѣль 1992, Новый Сад, Сербия) — композитор, педагог, сын Михала Ковача, писателя,^[1] сполоченскый и културный дѣятель меджи Русинами Войводины.^[2]

Иван Ковач
Чинность	композитор, педагог
Уроджѣня	авґуста 1., 1937(1937-08-01)
Руски Керестур, Войводина
Упокоеня	апріля 18., 1992 (54 р.) Новый Сад, Сербия
Причина смерти	нагла хворота
Ошкола	Isidor Bajić secondary school of music, Novi Sad, факультет філософії Белградського університету, Faculty of Music Arts, Belgrade
Отець	Михал Ковач
VIAF:120342754; GND:141097086; LCCN:n95061877; Ту можуть быти податкы з Wikidata, не контролованы авторами статѣ

Вонкове видео

Иван Ковач (шкицы ку портрету) 26 мин.

Иван Ковач: споминковы образкы зоз сербской телевизии серб. рус.

Вонкове видео

Иван Ковач: Три смутны пьесы. 4 мин.

Иван Ковач доднесь зоставать единым композитором класичной музикы меджи войводянскыма Русинами

Биография

Закончив гимназию и оддѣлѣня клавира музичной школы Исидор Баич в Новом Садѣ, пак на Београдской музичной академии штудовав клавир и композицию и дипломовав в року 1969 з фахом композитора. Уже и в часѣ штудий працовав в Радию Нови Сад, а по штудиях быв выбраный за музичного редактора; быв директором музичной школы Исидор Баич, доцентом и деканом музичного оддѣлѣня Академии Умѣня в Новом Садѣ. В року 1986 быв выбраный на секретаря Предсѣдательства Союза композиторох Югославии.^[2]

„	Найменше ся знать, же Иван Ковач быв и поет... Быв великый русинскый интелигент и широка поетична душа.	”
Дюра Латяк, видео, 6. мин.

Творба

Творчым идеям Ивана Ковача найближа камерна музика. Про камерный гусльовый оркестер написав: Концерт, Serenadu bukoliku (1971), Прелудию, вариации и фугу (з хором, клавиром и бубноритмичныма инштрументами, 1976) и Funerailles. З камерных композиций тыж треба спомянути сонаты про гобой и клавир (1967-1972), гуслѣ и клавир (1978), Sonatu-torzo про кларинет и клавир (1974), Три смутны пьесы про виолончело и клавир,^[3] Смыковый квартет (1973). Значну часть творчости придѣлив клавиру: Прелудия и фуга, Суита, Sonata (hommage à I. Kassowic) (1971), Toccata quasi una sonata, Вариации и фуга на два клавиры. Композиции про оркестер: Симфония (1969) и Клавирный концерт и оратория Бороню, котры достали награды на конкурзу з нагоды юбилея Билечанкы (1980). Иван Ковач быв и автор великого числа соло спѣванок, хоровых композиций, дѣточой и сценичной музикы (ай про фестивалы Червена ружа и Червене пупче), а тыж быв музичный критик и публициста.^[2]

Жерела и одказы

• Душан Михалек (2017). Мой приятель Иван Ковач (по русинскы) (DOC). academia.edu. https://www.academia.edu/34722831/Иван_Ковач_1937-1992_?auto=download. [перевірено 2019-12-29].
• Мишанич О. В., Стаценко Н. С.,Цап М. М. (2013). Ковач Іван (по украинскы) (ФОТО). Енциклопедія Сучасної України. http://esu.com.ua/search_articles.php?id=7254. [перевірено 2019-12-29].