Калмикія

Калмикія, офіціално — Республіка Калмикія, — субєкт Российской Федероції, республіка у єй составі. Входить у Южный федералный округ.

Головне містом — город Еліста. Офіціалны языкы: калмыцькый и руськый.

Граничить з Республіков Даґестан (на юзі), зо Ставропольскым крайом, з Ростовськов и Волґоградськов областями, и з Астраханьсков областьов (на выходї).

Є єдиным реґіоном у Европі, де традіційно вірять у будгізм.

Клімат

Клімат республікы — переходный од помірного до різко контіненталного; лїто є дуже жарке и сухе, зима є малосніжна, даколи з великыма холодами. Контіненталность клімата ся істотно підсилює із запада на выход.

Середні температуры януара по цїлій республіцї суть мінусові: од мінус 7 до мінус 9 градусів у южній и юго-западній єй части до мінус 10 до мінус 12 градусів на сїверї, мінімална температура януара: мінус 35 до мінус 37 градусів. Найнизшы температуры даколи досягають мінус 35 градусів и нижче у сїверных раёнах. Найхолоднїшы мїсяцї — януар и фебруар.

Особлївостю клімата є значна продовжітелность сонячного сіяня, котра чінить 2180 до 2250 годин (182–186 днів) у роцї. Продовжітелность теплого періода чінить 240–275 днів. Середні температуры юлія чінять плюс 23,5 до плюс 25,5 градусів, при тім у найжаркійшы рокы ся може перевысити плюс 32 градусів. То є найжаркійшый субєкт Росії у лїтї, як и Астраханьска область. Абсолютный максімум температуры досягає плюс 40 до плюс 45 градусів, a 12 юлія 2010 року у посьолку Утта воздух ся прогріяв до плюс 45,4 градуса, што стало рекорднов температуров для Росії.

Звышіня температуры воздуха ся наблюдає із сївера на юг и юго-выход терїторії республікы. У зимный період бывають одтеплощі, у окремы днї — метавицї, a даколи поставшій голголод робить шкоду сілському ґаздівству.

Шпеціфічнов особлївостю терїторії республікы суть суша и суховіі: у лїтї бывають до 120 суховейных днів. Реґіон є найсухшым на юзі европейской части Росії. Рочне кілько опадів чінить 210–340 міліметрів.

Завдякы розшыреню зон силных вітрів реґіон має значны вітрові енерґетічны ресурсы, працують дві вітряны електрічны станіцї (ВЕС).

Адмініштратівне подїлїня

У рамках адмініштратівно-терїторіалного устроїня Республіка Калмыкія ся дїлить на: 1 город республічного значіня (Еліста) и 13 раёнів.

У рамках містного самосправы у Республіцї Калмыкія ся выдїляють муніціпалны орґанізації: Елістиньскый городськый округ и 13 муніціпалных раёнів, котры загорнюють 124 сілськы и 2 городськы муніціпалны орґанізації.

Раёны Республікы Калмыкії:

• Городовіковськый раён
• Ікы-Бурульскый раён
• Кетченеровськый раён
• Лаганьскый раён
• Малодербетовськый раён
• Октобрськый раён
• Приютненьскый раён
• Сарпиньскый раён
• Цїлиньный раён
• Черноземельскый раён
• Юстиньскый раён
• Яшалтиньскый раён
• Яшкульськый раён