Камюнка

Камюнка (по словен. Kamienka; нїм. Stein; пол. Kamjonka) — село на Словеньску в окресѣ Стара Любовня.

Cело Камюнка Kamienka слов. Выгляд на село Давны назвы Petri villa, 1315; Stein 1408 Держава СловакияСловакия Регион Горный СпишГорный Спиш Край Пряшовскый Окрес Стара Любовня Координаты 49.331667, 20.61527849°19′54″ с. ш. 20°36′55″ в. д.49.331667° с. ш. 20.615278° в. д. (G) (O) (Я) Розлога 29,16 км² Надморска вышка 600 м Обывательство 1368 особ (2016) Часова зона UTC+1, влѣтѣ UTC+2 Телефонный код +421-52 Поштовый индекс 065 32 ŠÚJ 526789 Официалный сайт слов. Камюнка

Церковь св. Петра и Павла

История

Село первый раз спомянуто под назвов Petri villa як часть Любовнянского панства в року 1315. Належала до тых 16 сел, котры краль Жигмонд Луксембургскый оддав у залог Польщи в року 1412. Село вернула назад до Мадярщины Мария Терезия в року 1772.^[1]

Памятникы

• Грекокатолицка церковь Петра и Павла, 1760.
• Барокова каплиця Дѣвы Марии, 1760.

Економика

В селѣ в року 1996 основана сполочность TISINA s.r.o., замѣрена на широкый круг служб: лѣсна выроба, пиловы, импрегначны роботы з деревом, електроиншталации, водоиншталации, замочництво, зварячскы роботы, ставебны роботы, ковачскы роботы, торговля.

Понад 200 жителей села про заробок выѣхали до Америкы и инде.^[2]

Обывательство

Динамика (десятьроча)^[3]

Рік	1994	2004	2014	2024
Особ	1440	1409	1376	1341
Δ		−2,15 %	−2,34 %	−2,54 %

Динамика (рік)^[3]

Рік	2023	2024
Особ	1327	1341
Δ		+1,05 %

Култура

Од року 1952 при закладной школѣ фунгуе спѣвачско-танечный ансамбель Барвѣнок, котрого основательом и первым ведучым быв Штефан Биттнер, директор школы, хореограф и диригент. Од року 1965 в селѣ одбывать ся каждорочный фолклорный фестиваль Барвѣнкова Камюнка.^[1]

Село мать библиотеку. Активну културну роботу веде клуб пензистох, котрой участниками суть бывшы члены-сениоры ансамбла Барвѣнок.

Вызначны родаци и обывателе

• Йоанн Брадач - епископ Мукачовской грекокатолицкой епархии
• Михаил Брадач - грекокатолицкый церковный дѣятель
• Миколай Ксеняк - русинскый писатель
• Франтишек Крайняк - грекокатолицкый священик

Жерела и одказы

• Камінка (Камйонка, Камюнка) - Kamienka. // Ковач Ф. и др. Краєзнавчий словник русинів-українців. Пряшівщина. СРУСР. Пряшів, 1999. ISBN 80-85137-15-1
• Kamienka - oficiálne stránky obce словеньскый
• Камюнка — найлѣпше село в конкурзѣ ТВ слов., рус.