Карловицкый мир

Карловицкый мир — мирова догода, подписана 26. януара 1699 на Карловицком конгресѣ меджи членами Священной лигы (Священна римска империя, Венецка република, Русске царство и Рѣчь Посполита) з едной стороны и Османсков империев з другой стороны.^[1][2]

Утраты Османской империи подля Карловицкого мира (1699)

Догварькы в Карловци (Karlowitz) подля добовой рытины непознатого нѣмецкого рытовника

Догварькы ся зачали в октобрѣ 1698 при посередництвѣ Англии и Нидерландох. Через выниклый конфликт интересох членох коалиции Карловицкый мир склав ся зоз сепаратных догод меджи нима и Османсков империев, а Россия подписала лем примирѣня на два рокы, а остаточне урегулованя было досягнуте Константинопольскым миром (1700).^[2]

Австрия достала такой вшитку територия Мадярского кральовства (без малонаселеной части уже одвойованого Темеша, котру вернули Османам), Княжество Ардял, Хорватию и Славонию.^[2] Карловицкий мир обернув Австрию на едну з великых европскых держав.^[1]

Рѣчь Посполита достала назад Подолию з твердыньов Камянець, але вернула Османам заяты скорше молдавскы територии. Венецка република достала Морею (Пелопонез), часть Далмации и островы, котры завойовала. Карловицкый мир поклав конець османской експанзии в Европѣ и зачаткови вытѣснѣня Османох з континента.^[2]

Жерела и одказы

• Treaty of Carlowitz, Europe, 1699. Encyclopædia Britannica. January 19, 2020. https://www.britannica.com/event/Treaty-of-Carlowitz. [перевірено 2020-12-15].англ.
• Константинов В. Ю.: Карловицькі мирні договори 1699 // Українська дипломатична енциклопедія: у 5-ти т. / редкол.: Д. В. Табачник (голова) та ін. — Харків: Фоліо, 2013 — ISBN 978-966-03-6609-1 укр. Том 2, cс. 438–439.