Карпатска котлина

Карпатска котлина або Паннонска котлина — територия, ограничена на сѣверѣ и выходѣ Карпатами, на западѣ Алпами, на югу Динарскыма горами. В днешной добѣ в границях той територии цѣлком положены Мадярщина и Словакия, а часточно лежать Австрия, Босния и Герцеговина, Румыния, Сербия, Словения, Хорватия, Украина и Чешска република.

Топография Карпатской котлины

Плоха Карпатской котлины чинить около 200 тыс. км². Геологично е то меджигорне тектоничне понижѣня, в сучасности заповнене лесом и алувийом.^[1] В геологичной минулости было то море, солене, полусолене, наконець солодководне, котре по тектоничных ссувах стекло и высохло. Третьогорны версти указують ся лем на крайох котлины, иншак покрыта она штвертогорныма ай поводневыма верстями о грубинѣ 100–150 м.^[2] Карпатска котлина стала ся барз важным земледѣлскым регионом з ровнинами, покрытыма великыми просторами лесовых земель, котры надзвычайно уродны. Хоть атмосферичны выпады не суть богаты, их звыкло быти доста про ростлины.

Гидрографично е то базен середного току Дуная, котрый ся дренуе его притоками Тиса, Драва, Сава и др.^[1]

Найвекшы городы суть: Будапешт (Мадярщина), Белград (Сербия), Загреб (Хорватия), Братислава (Словакия), Темешвар (Румыния).

См. тыж

• Велика мадярска низина
• Мала мадярска низина

Жерела и одказы

• Pannonian Basin, geographical region, Europe. Encyclopaedia Britannica. https://www.britannica.com/place/Pannonian-Basin. [перевірено 2021-02-05].англ.
• Alföld.2. //Révai nagy lexikona. 1. köt. Révai Testvérek Irodalmi Intézet Részvénytársaság, Budapest. 1911. мад. С. 341.
• СРЕДНЕДУНАЙСКАЯ НИЗМЕННОСТЬ // Большая российская энциклопедия. Том 31. Москва, 2016, стр. 118 Верзия: 2017. Одчитане: 05.02.2021русс.