Кацирство

Кацирство, гереза, або ересь суть назвы, котрыма христианска Церковь характеризуе религийны учѣня або идеи, одхыляючы ся од официалных догм. Тото понятя ествуе тыж в буддизмѣ, исламѣ, юдаизмѣ и индуизмѣ.^[1].

Евангелие (алегория) триумфуе над Герезиев
и Змѣев (церковь Густаф Васа, Штокголм)

Галилео Галилей, сужденый за ересь

Етимология

• Ересь — з давногрецкого αἵρεσις — «выбор, напрям, школа, учѣня, секта»^[2]
• Кацирство — з поздногрецкой назвы секты Katharoí, дословно 'Чисты'. Тота аскетична секта, во Франции звана Аlbigen ширила ся в Западной Европѣ од 11. до 13. ст., а выходила з так званого манихеизму, преслѣдованого филозофско-религийного учѣня, ествовавшого в 3. – 11. ст.^[3][4]

В историчном планѣ слово haieresis хосновали на означѣня филозофскых напрямох як аристотелизм або платонизм, а понятя секта не мало негативного офарбѣня.

Уточнѣня понятя

Правовѣрна доктрина лежить в границях, окресленых через церковны догмы. Але не всяке одхылѣня од них означиме за кацирство. Межи кацирством а схизмов (росколництвом) роздѣл лежить в том, же кацирство ся бере як одхылка во внутри Церкви, а схизма означать розскѣплѣня Церкви на два новы субъекты.

Жерела и одказы

• Heresy (et alii) (по англицкы). The New Catholic Encyclopedia. 6 (2 ed.). The Gale Group, Inc., a division of Thomson Learning, Inc.. pp. 780.... ISBN 0-7876-4010-7.
• Ересь, еретики // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.