Клавдия Кардинале
From Wikipedia, the free encyclopedia
Remove ads
Кла́вдия Кардина́ле, ит. Claudia Cardinale; имя при роджѣню — Клод Жозефин Роз Кардинале, ит. Claude Joséphine Rose Cardinale; (*15. апрѣль 1938, Ла Гулетта, Тунис – †23. септембер, 2025) — италиянска филмова актерка.
Remove ads
Биография
Родила ся в Тунису, на тот час французском протекторату. Родина походила з Сицилии, але уже три генерации жили в Тунису, говорило ся в родинѣ по французскы.[1]
Я бых повѣла, же з походжѣня ем Италиянка, корѣнями Афричанка, а културов Французка.
Клавдия Кардинале[1]
В року 1957 была признана найкрасшов Италиянков Туниса и зостала позвана на Венецийскый филмовый фестивал. Было ей понукнуто заграти во филмѣ, але не прияла и вернула ся дому, де ладила быти учительков. Але по шѣстьох мѣсяця продуцент пришов за ньов до Тунису и понукнув такый контракт, котрый уж не мож было не прияти. З цѣлов родинов: родичами, зоз сестров и двома братами одышли до Италии.[2]
Ей материнскым языком была французчина, так же еще в часѣ накручаня первого италианского филма (1958) Клаудия Кардинале мусѣла была научити ся свои репликы на память, не розумѣючи. Ей италиянчина была з моцным французскым акцентом, зато довго была дублована. Теперь говорить по французскы, италиянскы, английскы, испанскы и арабскы.[3]
Грала во филмах славных италиянскых режисерох Лукино Висконти (Luchino Visconti) и Федерико Феллини (Federico Fellini). Заграла в около 150 филмах.
Од конця 1980-х жие в Парижу. Найлѣпше ей любить ся прозывка СС.[2]
Е носительков ордена Честной легии вшиткых трьох ступни, французского найвысшого державного вызнаменаня и командантом и великодостойником ордена за заслугы про Италиянску републику.
Remove ads
Родина
Жерела и одказы
Референции
Wikiwand - on
Seamless Wikipedia browsing. On steroids.
Remove ads