Колорадо

Колорадо, англ. Colorado — еден зоз штатох в централной части США, в области горскых штатох. Вошов до США яко тридцять восьмый штат 1. августа 1876. Того року ся славило стороча ратификации Декларации независимости США, зато Колорадо мать прозывку Штат стороча.^[1]

Штат США

Колорадо
Colorado (CO)
Застава и печать
Держава	США
Подрядность	США
Заложѣня	1 авґуст 1876
Розлога	269 603 км2[1]
Обывательство	5 758 736 особ (2019)[1]
Центер	Денвер 39°44′21″N 104°59′25″W
Зложѣня	64 округы[2]
Язык	англицкый
Губернатор	Джаред Полис
Интернет-сайт	https://www.colorado.gov англ.
Колорадо на Викискладѣ VIAF:145998913;GeoNames:5417618;OSM:161961; Ту можуть быти податкы з Wikidata, не контролованы авторами статѣ

Локация штата Колорадо (CO) в США

Adventure Point, Keystone Resort

Оператор позирать долу зъѣздовков, ци вольна, жебы наступна родина безпечно ся звезла; злѣва од зъѣздовкы видко вытяг

География

Межуе на сѣверѣ з Вайомингом и Небрасков, на выходѣ з Небрасков и Канзасом, на западѣ з Ютов, на югу з Оклахомов и Ню Мексиком. Од сѣвера засягують Скалисты горы (высша точка Елберт, 4399 м н.м.), котры занимають около половкы територии. Выходна ровнинна часть штата терпить од недостатка воды, про засобованя водов суть в подгорю выставлены понад 400 водоемы. Напротив, западна, горска часть з рясныма выпадами родить двѣ великы рѣкы: Колорадо и Рио Гранде, котры засобують водов шѣсть иншых штатох США и Мексико.^[1]

Економика

Колорадо мать ропу, молибден, золото, угля, земный газ. 80% енергетичных копалин, наймя земного газу, тяженых в США, суть з Колорада. Важным сектором економикы зоставать туристика горска, водна, лыжарска, курортна. В аграрном секторѣ, переважать скотарство, де штат входить в число лидерох в США. Штат зоставать меджи лидерами в области телекомуникации. В 1950-х роках Колорадо зачав рости яко центер електронного, а пак и высокотехнологичного промысла.^[1]

Интересны факты

• Колорадо — единый штат США, котрый в цѣлости лежить во вышках над 1000 м н.м.
• 80% енергетичных копалин, наймя земного газу, тяженых в США, суть з Колорада.
• Зъѣздовка Adventure Point в купелях Keystone, Colorado положена во вышцѣ 3599 м н.м., зашто мать снѣг аж до конця юла, так же туристы можуть комбѣновати купаня в отвореных плаварнях зо спущаньом на снѣгодушах; од споду на верьх зъѣздовкы их доправлять комфортный закрытый вытяг.

Жерела и одказы

• Loeffler, M. John , Dietz, John L. and McNamee, Gregory Lewis (29 Oct. 2020). Colorado. Encyclopedia Britannica. https://www.britannica.com/place/Colorado-state. [перевірено 2021-03-06].англ.