Крижевци

Крижевци, хорв. Križevci, мад. Kőrös, нѣм. Kreutz, лат. Crisium — варош в Хорватии в жупѣ Копривница-Крижевци.

Варош Хорватии Крижевци Križevci хорв. Грекокатолицка катедрала, 1817 Держава ХорватияХорватия Жупа Копривница-КрижевциКопривница-Крижевци Правный статус город Градоначалник Марио Райн Координаты 46.025833, 16.542546°01′33″ с. ш. 16°32′33″ в. д.46.025833° с. ш. 16.5425° в. д. (G) (O) (Я) Надморска вышка 140 м Обывательство 21 122 особ (2011[1]) Часова зона UTC+1, влѣтѣ UTC+2 Телефонный код +385-048 Поштовый индекс 48260 Официалный сайт хорв.

Крижевци

Крижевци на мапѣ Хорватии

История

Крижевци упоминають ся од XII. стороча яко Cris, Crisium, укрѣплене мѣсто, од року 1252 привилегованый варош. Взникли около костела Св. Крижа, одкы взяли свою назву. Нераз ту зберали ся цѣлодержавны соймы. Од XVIII. стороча суть центром грекокатолицкой епархии.^[2]

Христианскый храм Св. Крижа быв освяченый в року 1090. В року 1257 Крижевци достали статус вольного кральовского вароша. В року 1299 ту держали первый хорватскый державный сойм, де собѣ выбрали князя Карла Алберта за хорватского краля намѣсто мадярского краля Андраша III.^[3]

Днешность

Назва Крижевци хоснуе ся в множинѣ, яко же варош ся створив споѣньом старшого Вышнього Крижевця з позднѣйше взниклым Нижным Крижевцьом. В Крижевцях фунгуе высока школа земледѣлства, закладена еще в року 1860. Понеже варош оддаленый лем 57 км од Загреба, велика часть обывательства мать заробковы и штудийны можности в главном городѣ. Крижевци мають муниципалну плаварню, музей и галерею вытварного умѣня.^[4]

Обывательство варошского ядра Крижевцьох — 11 231 особа. Ку варошской администрации належать еще 59 осад з обывательством од 8 до 546 особ, сумарно 9891 особа; въедно з ядром — 22 122 особы.^[1]

Вызнамны родаци

• Марко Крижевскый, святый римокатолицкой церкви

Жерела и одказы

• Ottův slovník naučný. Illustrovaná encyklopaedie obecných vědomostí. Díl 15. Vyd. J. Otto. V Praze, 1900.
• Révai nagy lexikona. 12. köt. Révai Testvérek Irodalmi Intézet Részvénytársaság, Budapest, 1915.
• POPULATION BY AGE AND SEX, BY SETTLEMENTS, 2011 CENSUS (по англицкы). Zagreb: Croatian Bureau of Statistics.. 2012. https://www.dzs.hr/Eng/censuses/census2011/results/htm/E01_01_01/e01_01_01_zup06_2143.html. [перевірено 2019-09-10].
• Информация о Крижевцях (по англицкы). Незыскова организация POINT. https://www.krizevci.eu. [перевірено 2019-09-11].