Кыёв (окрес Стара Любовня)

Кыйов, пряш. рус. Кыёв,^[1] словац. Kyjov — село в окресѣ Стара Любовня Пряшовского края Словакии, в историчном регионѣ Шариш.

Cело Словакии Кыйов Kyjov словац. Выгляд од юга Давны назвы лат. Куо, 1390 Штат СловакияСловакия Край ПряшовскыйПряшовскый Окрес Стара Любовня Сельскый уряд Obecný úrad, Kyjov. č. 164, 065 48 pošta Šarišské Jastrabie Координаты 49.217222, 20.93666749°13′02″ с. ш. 20°56′12″ в. д.49.217222° с. ш. 20.936667° в. д. (G) (O) (Я) Розлога 15,65 км² Надморска вышка 657 м Обывательство 753 особы (31.12.2020) Часова зона UTC+1, влѣтѣ UTC+2 Телефонный код +421-1538 Поштовый индекс 065 48 (pošta Šarišské Jastrabie) ŠÚJ 526819 Официалный сайт словац. Кыйов

Полога

Готарь села з розлогов 1565 га положеный во вышках 580–1157 м н.м. з найвысшым верхом Минчол, котрый мать статус штатной природной резервации.^[2] Через село тече поточина Градлова, котра при Дюрковой вливать ся до рѣчкы Люботинка, правого притока Попрада (при Орловѣ).^[3] Од Старой Любовнѣ оддалене о 33 км.

Днешность села

Село мать захоронку (передшколя) и закладну школу (1.–4. рочникы), библиотеку, фотбаловый штадион и тенисовый корт, котрый взимѣ служить за ховзанку. В далшых планах — выставба лыжарского вытягу, про котрый мають вгодный терен. Од року 1980 учинкуе фолклорна група Минчол, котра сокотить мѣстны културны традиции.^[2]

История

Перва документована упоминка датована роком 1390 под назвов лат. Kyo. Найвеце ся поповнило в 16. сторочу, коли ту пришли Русины, на закупном правѣ.^[2] В документѣ з року 1538 село уже зазначене як руське.^[4] В року 1868 быв поставленый грекокатолицкый храм Рождества Богородицѣ в бароково-класицистичном штилу, а в року 1905 каплиця, котра положена при сельском урядѣ, при дорозѣ до Шаришского Ястрабя.^[2]

Выслободжене од фашистох Червенов армадов 22. януара 1945, в року 1947 оптовали до УССР 15 родин, довъедна 74 особы. Рольницке дружство, закладене в року 1950, в року 1953 роспало ся, але было в року 1972 организоване наново.^[4] До войны село было деревяне, аж по войнѣ ся выставили мурованы домы.В року 1958 село достало електрику, в року 2003 — земный газ, в року 2007 — водовод.^[2]

Обывательство

Динамика (десятьроча)^[5]

Рік	1994	2004	2014	2024
Особ	716	767	759	740
Δ		+7,12 %	−1,04 %	−2,50 %

Динамика (рік)^[5]

Рік	2023	2024
Особ	733	740
Δ		+0,95 %

Обывательство подля народности, 2011[6]
Довъедна	Словаци	Ромы	Русины	Чехы	Украинцѣ	Иншы	Не повѣли
729	326	210	166	2	2	2	21
100%	44,7%	28,8%	22,8%	0,3%	0,3%	0,3%	2,8%

Обывательство подля вѣры, 2011[6]
Довъедна	Грекокатолици	Римокатолици	Православны	Протестанты	Иншы	Атеисты
729	667	26	9	3	17	7
100%	91,5%	3,6%	1,2%	0,4%	2,3%	1,0%

Вызнамны родаци

• Дезидерий Миллый (1906–1971), русинскый и словацкый малярь, график и педагог.

Жерела и одказы

• Михайло Мурцко: Кийов //Краєзнавчий словник русинів-українців. Пряшівщина. Упорядник Федір Ковач. — Пряшів: СРУСР, 1999. ISBN 80-85137-15-1 укр. сс. 429–430укр.
• Obec Kyjov (официалный сайт). 2. august 2021. https://www.obec-kyjov.sk. [перевірено 2021-08-02]. словац.