Лавр (Шкурла)

Митрополит Лавр (родженый яко Василь Шкурла, рос. Василий Михайлович Шкурла, словен. Vasiľ Škurla; *1. януар 1928, Ладомирова, Словакия — †16. марец 2008, Джорданвилл, США) быв Первоиерарх Русской православной церкви в заграничу, митрополит Восточной Америкы и Ню Йорка.^[1]

Митрополит Лавр • Василь Шкурла
Vasiľ Škurla, Василий Михайлович Шкурла
Митрополит Лавр в року 2008
Чинность	монах, иерарх Православной Церкви
Горожанство	США
Походжѣня	клер
Уроджѣня	януара 1., 1928(1928-01-01) Ладомирова, Словакия
Упокоеня	марца 16., 2008 (80 р.) Джорданвилл
Похованя	Свято-Троицкий монастырь (Джорданвилл) Категория:Похороненные в Свято-Троицком монастыре (Джорданвилл)
Награды
Орден преподобного Сергія Радонезького I ступеня
Митрополит Лавр • Василь Шкурла на Викискладѣ VIAF:350144647713315276459; ЕСУ:52712; Ту можуть быти податкы з Wikidata, не контролованы авторами статѣ

Родина

Василь Шкурла родив ся в моцно религийной родинѣ Михайла и Олены Шкурлох и уже од 5-рочного вѣку прилучив ся до религийного живота.^[2] Члены родины Шкурлох и доднесь жиють в краю и суть горды на свого суродника.

Духовна карьера

В осени року 1944 православный Ладомировскый монастырь в Пряшовском краю быв майже зовсѣм збуреный при военных операциях. 14 монахы утѣкли и вступили до монастыря Святой Тройцѣ в Джорданвилл, штат Ню Йорк. Там они збудовали копию ладомировской церкви, основали печатню и од року 1947 продовжили выдавати новинку Православная Русь.^[3]

З монахами утѣк и 16-рочный Василь Шкурла, котрый з дозволу родичох в року 1939 став ся новицием монастыря. Поступно ся выпрацовав на ректора Духовной академии в Джорданвилл, в року 1981 став ся архиепископом, а в року 2001 Первоиерархом Русской православной церкви в заграничу.^[4][2]

В 1980-х роках монастырь Святой Тройцѣ в Джорданвилл став ся Мекков духовности про новый приток православных емигрантох до США, едным из свѣдчѣнь того е факт, же вызнамный челиста Мстислав Ростропович оселив ся в Джорданвилл, недалеко од монастыря.^[3]

Примирѣня Церков

Русска православна церква в заграничу (РПЦЗ) мать около 400 парохий и 500 тысяч вѣрникох в 40 державах, котры суть потомками емигрантох, переважно з России, и была в конфронтации з Руссков православнов церквов (РПЦ, Московскый патриархат), котру одсуджовало за «колаборацию з болшевиками». РПЦЗ вшак высловльовала думку, же могла бы ся «вернути до отечества», коли упаде режим болшевикох. Од року 1990, по падѣ комунистичной системы, з инициативы РПЦ вели ся розговоры о злучѣню. Але реално то стало ся можным лем з приходом владыкы Лавра на чело РПЦЗ. 17. мая 2007 в Москвѣ подписаный акт О каноничной комуникации [русс. О каноническом общении, англ. The Act of Canonical Communion]^[5][6] Загранична РПЦЗ зоставать цѣлком автономна, але в молебнах будуть споминати имя московского патриарха, а тыж будуть мусѣти достати затверджѣня з Москвы про свого нововыбраного Первоиерарха, а тыж ся радити в вопросах выбора голов членскых церков РПЦЗ.^[5]

Жерела и одказы

• Магочій П.Р.: Ладомирівський монастир. //Магочій П.Р., Поп І. (уклад.) Енциклопедія історії та культури карпатських русинів. Вид-во В.Падяка. Ужгород, 2010. — 856 c.+ХХХІІ с. ISBN 978-966-387-044-1 Сс. 391-392.
• Pravda, 18.03.2008: Ruské pravoslávie zjednotil Slovák. Доступне онлайн
• Metropolitan Laurus, Carpato-Russian religious leader. // Encyclopaedia Britannica.
• M. Woerl: His Eminence Metropolitan Laurus (Vassily Skurla)
• Руслан Кадрматов: Две в одной / Русская православная церковь объединилась с "зарубежниками". // LENTA.RU, 17 мая 2007 Доступне онлайн
• The Russian Orthodox Church Outside of Russia: The Act of Canonical Communion is signed.