Малме

Малме, Malmöшв., выгваряня  ['malmø:] (файл)) — третий найвекшый город Шведского кральовства. Популация 334 987 (2018). Прогноза популации +57700 (2016–2019). Малме основаный в року 1275. Aдминистративный центер края Сконе (Region Skåne). Часова зона UTC+1, влѣтѣ UTC+2. Телефонный код +46-40. Поштовый индекс 210 00 - 219 99.

Третий найвекшый город Швеции Малме Malmö шв. Герб Малме Держава ШвецияШвеция Край (län) Сконе Мер Katrin Stjernfeldt Jammeh Координаты 55.605833, 13.03583355°36′21″ с. ш. 13°02′09″ в. д.55.605833° с. ш. 13.035833° в. д. (G) (O) (Я) Розлога 155,4 км² Найвекша вышка 12 м Обывательство 334 987 особ (2018) Часова зона UTC+1, влѣтѣ UTC+2 Телефонный код +46-40 Поштовый индекс 210 00 – 219 99 Официалный сайт Малме

История

Найстарша документована споминка о Малме датована роком 1275, а поважуе ся, же быв основаный незадовго перед тым.^[1]

В середновѣку быв центром торговлѣ геринками. До року 1658 быв под владов Дании, а одтогды доднесь — Швеции. Великый економичный рост дознав од року 1856, коли ту пришла желѣзниця.^[2]

Стара часть Малме захранила середновѣку архитектуру. Меджи найстаршыма памятками готичный храм Св. Петра (XIV. стороча).^[3]

Газдовство

В штруктурѣ городского газдовства од 2000-х доминуе сфера служеб (занято понад 80% працуючых; в т. ч. в торговли и комуникациях над 23%, в секторѣ дѣловых и финанчных служеб около 21%, в социалных службах и здоровництвѣ около 15%, в школованю, науцѣ, инновациях около 10%, готеловом и ресторанском бизнисѣ около 9%; 2009). Наскоршый вывин указуе логистика (на основѣ приставового комплекса; накладовый обѣг 18,3 млн. т, около 860 тыс. пасажерох; 509 круизных лодий; 2007).^[3]

Меджинародне летиско положене о 31 км на восток од города. Од року 2000 Малме споеный з Копенгагеном через морскый пролив мостом и системов тунелох, што уможнило транснационалну кооперацию.^[2]

Интересны факты

• Мотто Малме, Розличность, встрѣчѣ, можливостѣ, Mångfald, möten, möjligheter шв. — ся в найвекшой мѣрѣ реализовало в {{|2020-х}} роках, коли число варощанох, што суть чужоземного походжѣня сягнуло на такой 50%.^[4]
• Малме в року 2020 меджи иншыма городами Швеции ся выокремив найскорше ростучым обывательством.^[5]

Жерела и одказы

• Malmö. Encyclopedia Britannica. 13 Jan. 2023. https://www.britannica.com/place/Malmo. [перевірено 2023-04-23].англ.
• Чиркова Е. Е.. МАЛЬМЁ. // Большая российская энциклопедия. Том 18. Москва, 2011. стр. 687–688. https://old.bigenc.ru/geography/text/2171036.русс.