Микроскопия

Микроскопия — комплекс методох позорованя и штудированя з помочов микроскопа.^[1]

Препарация невронох под стереомикроскопом

Микроскопия е тыж выхоснованя микроскопа в роботѣ з объектами, котры не мож видѣти голым оком. Микроскописты суть люде, котры выхосновують микроскопы про свою роботу, позорованя або штудии.^[2]

Области микроскопии

Днесь екзистуе велике множество розличных типох микроскопох и методох роботы з нима, котры служать про конкретны цѣли и сферы роботы:^[3]

Тип микроскопа выберать ся зависимо од области хоснованя або од метода микроскопии:^[1]

• биологичны — суть про хоснованя в биологии, гистологии, цитологии, могуть ся выхосновати тыж в хемии, физицѣ тай инде, кедь объект прозрачный;
• металографичны — суть про металы и другы непрозрачны объекты;
• стереомикроскопы — зображують объект в трьох дименциях и служать на препаровалны роботы в биологии, технологичны операции в микроелектроницѣ; суть тыж модификации про офталмологию, оториноларингологию, микрохирургию;
• мѣряючы — про точны мѣряня в промыслѣ, тай иншы.

История

Микроскопия ся зачала розвивати в 1600-х роках, коли были появили ся микроскопы, и учены ся зачали заглубльовати до непознатого дотогды микросвѣта.^[3] Антони ван Левенгук быв первый признаный микроскописта и микробиолог, котрый справив простый, але добрѣ звекшуючый микроскоп и зачав публиковати резултаты своих позоровань в научном журналѣ.

В 20. сторочу быв вывинутый електроновый микроскоп, котрый указуе объект з помочов пучка електронох и давать найлѣпше звекшѣня.^[3] Такый микроскоп мать хосенне звекшѣня на милионы крат.^[4]

Жерела и одказы

• Микроскопия оптическая. Микроскопия акустическая. //Физическая энциклопедия. М: Научное изд-во «Большая Российская энциклопедия», 1992. Гл. ред Прохоров А. М. Т. 3 Магнитоплазменный — Пойнтинга теорема. 1992. 672 с, ил. ISBN 5—85270-019—3 (т. 3) ISBN 5—85270-034—7
• What is Microscopy? //WiseGEEK, clear answers for common questions англ.
• Microscopy. //Merriam-Webster Dictionary online англ.
• Корн М. Я.: Микроскопические методы исследования. //Краткая медицинская энциклопедия, гл. ред. акад. Б.В. Петровский. Изд. 2. — М.: «Советская энциклопедия», 1989