Мольер
From Wikipedia, the free encyclopedia
Remove ads
Мольер, фр. Molière, властным йменом Жан Батист Поклен, фр. Jean-Baptiste Poquelin, *15. януар 1622, Париж – †17. фебруар 1673, Париж — французскый комедийный драматик добы класицизму и актер.[2]
.jpg)
Remove ads
Биография
Быв сыном кральовского доморядника и тапетаря, достав образованя в йезуитском коледжу, выучив ся на правника на Орлеанской универзитѣ, але не став ся ним, ини не пошов стопами отця. В року 1643 лишив родину и выбрав собѣ живот актера, хоть тота професия была презрена в тогочасном сполоченствѣ. Его аматерскый театер не выстояв в конкуренции з иншыма театрами Парижа и скраховав. Тогды взяв собѣ псевдоним Мольер, жебы не ганьбив родину, и в роках 1645–1658 ходив по Франции з вандровным театром, рафинуючи свое умѣня и набираючи скушености о смаках публикы. Наконець ся стали найлѣпшым провинчным театром Франции, котрый ся переважно замѣряв на комедию як найпопуларнѣйшый сценичный жанер. В року 1658 выступили перед кральом Луи XIV. и з комедиов Залюбленый дохтор зыскали великый успѣх: достали статус кральовского театра.[3]
Реагуючи на приклонность краля ку пышным видовискам, Мольер в сполуавторствѣ пише гибридны дѣла, якыма суть комедии-балеты, як Принцезна Елидска и др.[4]
В кральовском театрѣ Мольер быв актером, автором и режисером до самой смерти. За тоты рокы створив свои найлѣпшы пьесы, котры нераз выволали шкандалы и напады од высмѣваных ним сполоченскых груп.[3]
В предсмертну годину до умираючого Мольера не хотѣв прийти ани дохтор, ани священикы. Парижскый епископ не хотѣв дозволити погреб невысповѣданого и нероскаяного покойного, лем по заступствѣ краля быв дозволеный ночный погреб, без жадной святочности.[5]
В року 1792 останкы перенесены до Музею французскых памятникох, а в року 1817 на парижскый теметов Пер-Лашез.[6]
Remove ads
Вызнам
Комедия мала довгу историю и до Мольера, котрый выхосновав ей традичны формы, но повело му ся ай вынайти новый штил двоитого виджѣня нормалного и ненормалного в их поровнаню, подати в протикладѣ правду и правдоподобность, интелигентность и педантность.[2] Мольер быв найвекшым комедийным автором добы класицизму и став ся зачинательом сучасной комедии.[7]
Мольер во своих комедиях уже часточно выходить за осяг класицизму — ему властны черты реализма и людовости. Его пьесы активно черпають з тогочасного живота: незадарь Мольер зыскав собѣ ненависть духовенства комедиов Тартюф и нелюбость аристокрации Дон Хуаном. В окремых своих инсценациях, як Жорж Данден, Мѣщан немешом, Мольер учить люди зоз сподных версти знати себѣ цѣну, не змѣшовати ся з немешами и не понижовати ся перед нима. Мольер стверджать здорову моралность, статочны людскы односины в родинѣ и манжелствѣ.[4]
Remove ads
Интересны факты
- Комедия Тартюф (1664) была заказана, и Мольер мусѣв ю переробльовати трираз, выставляюючи под иншов назвов и в новых вариантах (1667, 1669), а наконець тот третий зоставать на сценѣ доднесь.[3]
- Граючи послѣдну свою гру Мненый хворый (1673), уже тяжко хворый Мольер зомлѣв на сценѣ и быв однесеный дому умерати; понеже не прияв послѣдну святу тайну и не покаяв ся зоз свого актерства, быв погребеный вночи и без належной церемонии.[2]
Жерела и одказы
- Moore, Will G. and Tobin, Ronald W. (24 Mar. 2021). Molière. https://www.britannica.com/biography/Moliere-French-dramatist. [перевірено 2022-01-13].англ.
- Голубков А. В.. МОЛЬЕР. // Большая российская энциклопедия. Москва, 2012. Том 20, стр. 703–704. https://old.bigenc.ru/literature/text/2225495.русс.
- Луков В.. Мольєр. in Михальска М., Щавурський Б. (ред.). Зарубіжні письменники. Енциклопедичний довідник у двох томах. Тернопіль: Навчальна книга – Богдан, 2006. Том 2, сс. 201–207. ISBN 966-692-744-6.укр.
- Манфред А. З., ред.. Культура и идеология Франции периода абсолютизма. // История Франции. В трех томах. М., 1972. Том 1, с. 281. http://www.rummuseum.info/node/5951.русс.
Remove ads
Референции
Wikiwand - on
Seamless Wikipedia browsing. On steroids.
Remove ads