Новинарь

Новинарь в сучасном свѣтѣ

„

Демокрация ставать ся владов тиранох, котрых ограничують новинарѣ.

”

Ралф Валдо Емерсон

Оригиалный текст

Democracy becomes a government of bullies tempered by editors.

Ralph Waldo Emerson^[1]

Новинарѣ в сучасности мають поле и средства роботы не лем в новинках, але в масмедиях вообще: радио, телевизия, интернет.

Од XX. стороча робота новинаря одзначать ся векшов фаховостьов, котра была овплывнена четырьма факторами:^[2]

выросла организация новинарской роботы;
взникла шпециална едукация про новинарьох;
выдана литература о истории, проблемах, техниках масмедий;
выросло розумѣня социалной зодповѣдности новинаря.

Remove ads

Слобода слова и новинарска етика

В розличных державах и режимах новинаре мають розличну мѣру слободы слова, зачавши од «мягкой» цензуры и самоцензуры, аж до репресий з боку влады.^[3]

Вельо новинарскых организаций выдали правила и кодексы новинарской етикы, але наперек тому в сучасном свѣтѣ множать ся примѣры дезинформации, ширѣня неовѣреных або замѣрно фалшованых новин (fake news), што в значной мѣрѣ уможнено сучасныма техниками масмедий.^[2]

Remove ads

Безпека професии

Од року 2015 Рада Европы наштартовала програму охраны новинарства и безпекы новинарьох. Подля ей штатистик за тот час найвеце нападох на новинарьох зафиковано в России и Турции.^[4] Суть факты забивства або щезнутя новинарьох, котры выступовали з критичныма информациями: в Словакии,^[5] Украинѣ,^[6] а подля Комитета Охраны Новинарьох в добѣ 1992-2018 были забиты 1304 новинарѣ.^[7]