Общіна (Хорватія)

Общíна (хорв. općina) — другый уровень в адміністратівной єдиніцї влады в Хорватії, затля першов уровнёв є жупа.

Мапа адміністратівно-теріторіалного дїлїня Хорватії

Хоць мають міста і общіны єднакы правомоци і справны орґаны, одлишують ся в тім, же міста частїше покрывають містьскы области, тогды общіны часто складають з чісла сел в сельскых або примістьскых областях. Хорватьске право вызначать общіны як єдиніцї містьской самосправы зряджены в области, де дакілько населеных пунктів представлює природне, господарьске і соціалне цїле, припоєну сполочныма інтересами обывательства той области. В тім часї місто є вызначене як єдиніця містьской самосправы, в котрій ся находить центер жупы, або як будьяке місто, котре має веце як 10 000 обывателїв і представлює містьску, історічну, природну, економічну і соціалну єдиніцю.^[1]

В року 2017 є 21 жуп роздїленых на 117 міст і 428 общін.^[2][3][4]