Огайо

Ога́йо, англ. Ohio,  выгваряня (файл)) — штат на сѣверовыходѣ США, вступив до США яко 17. штат 1. марца 1803. Главный и найвекшый город — Коламбус.^[1]

Штат США

Огайо
State of Ohio (OH)
Застава и печать
Держава	США
Подрядность	США
Заложѣня	1 марец 1803
Розлога	116 096 км2
Обывательство	11 780 017 особ (2020)
Центер	Коламбус 39°57′44″N 83°00′02″W
Зложѣня	Адамс, Аллен, Ешленд, Ештабула, Афіни, Оґлез, Бельмонт, Браун, Батлер, Керролл, Шампейн, Кларк, Клермонт, Клінтон, Коламбіана, Кошоктон, Кроуфорд, Каягога, Дарк, Дефаєнс, Делавер, Ері, Ферфілд, Фаєтт, Франклін, Фултон, Галлія, Джіоґа, Грін, Гернсі, Гамільтон, Генкок, Гардін, Гаррісон, Генрі, Гайленд, Гокінґ, Голмс, Гурон, Джексон, Джефферсон, Нокс, Лейк, Лоуренс, Лікінґ, Лоґан, Лорейн, Лукас, Медісон, Магонінґ, Меріон, Медіна, Меґс, Мерсер, Маямі, Монро, Монтґомері, Морґан, Морроу, Маскінґам, Нобл, Оттава, Полдінґ, Перрі, Пікевей, Пайк, Портедж, Пребл, Патнем, Річленд, Росс, Сендаскі, Сайото, Сенека, Шелбі, Старк, Самміт, Трамбалл, Таскарвас, Юніон, Ван-Верт, Вінтон, Воррен, Вашингтон, Вейн, Вільямс, Вуд, Ваяндот
Язык	значення не задано
Губернатор	Майк Девайн (Mike DeWine)
Интернет-сайт	https://ohio.gov англ.
Огайо на Викискладѣ VIAF:144232296;GeoNames:5165418;OSM:162061; Ту можуть быти податкы з Wikidata, не контролованы авторами статѣ

Локация штату Огайо (OH) в США

Мапа штату Огайо

География

Огайо межуе з Канадов (границя по озеру Ири) и Мичиганом на сѣверѣ, Пенсилваниов на выходѣ, Западнов Вирджиниов на юговыходѣ, штатом Кентукки на югу, Индианов на западѣ. Назва штату походить од рѣкы Огайо, што в языку тутешных Индианох значить «велика вода». З погляду физиографичного територия штату роздѣлена наполы: на западѣ — ровнина, на выходѣ — невысокы ту Аппалачскы горы од озера Ири на сѣверѣ до рѣкы Огайо на югу, котры не творять велику проблему про транспорт. Найвысша точка штату Campbell Hill (472 м, см. мапу) лежить о 77 км на сѣверозапад од Коламбуса. Огайо мать около 350 файты птиць и 150 файты рыб.^[1]

Обывательство

Найвеце етнично таркастый город Огайо — Кливленд, котрый поповнив ся меджи роками 1880 и 1890 имигрантами, прибывшыма из Австро-Мадярщины, Польщи, Нидерландох, России, Португалии, Греции, Китая, Японии, Турции и Мексика.^[1]

Динамика расового зложѣня, 1990–2020^[2]

Раса/походжѣня	1990[3]	2000[4]	2010[5]	2020[6]
Бѣлы	87.8%	85.0%	82.7%	79.9%
Афроамеричане	10.6%	11.5%	12.2%	14.0%
Азийцѣ	0.8%	1.2%	1.7%	3.1%
Индиане	0.2%	0.2%	0.2%	1.7%
Тихоокеанскы островане	–	–	–	0.1%
Иншы	0.5%	2.2%	3.2%	1.2%

Газдовство

Штат Огайо мать властны ропу, земный газ, камяне угля ай вельо иншых копалин. Около 60% енергии Огайо походить з камяного угля. Земный газ — далше по важности жерело, застачать майже 25% енергии. Звышок переважно додають атомовы електрарнѣ вздовж озера Ири. Штат мать уродны землѣ и в року 1950 быв первым меджи штатами США в аграрной продукции. В сучасности первенство утратив, але и теперь около 50% земель служать про аграрну выробу.^[1]

Интересны факты

• Огайо — единкый штат США, котрого застава не простокутна.
• На честь Огайо названа планетка (439) Огайо.

Жерела и одказы

• Knepper, George W. , Aumann, Francis R. and Wallenfeldt, Jeff (6 Jan. 2022). Ohio. Encyclopædia Britannica. https://www.britannica.com/place/Ohio-state. [перевірено 2022-08-05].англ.