Орава (рѣка)

Орава словац. Orava, нѣм. Arwa, мад. Árva — рѣка дунайского базену в сѣверозападной Словакии, правый приток Вага.^[1]

Суть другы вызнамы, см. Орава.

Рѣка Словакии

Орава
Orava словац.
В Довгой над Оравов
Закладны числа
Довжка току	60,3 км
Плоха базену	1991,8 км2
Проток в устю, середн.	34,5 м33/сек
...максималный	1120 м33/сек
Выток
Оравска преграда Надморска вышка 601 м 49°22′56″N 19°32′28″E
Устя
Ваг при Кральованах Надморска вышка 431 м 49°09′13″N 19°08′23″E
Путь до моря
Ваг->Дунай->Чорне море
Орава на Викискладѣ

История

В историчной формѣ Arva упомянута первый раз в року 1267 в дотычности з уже тогды екзистовавшым над нев Оравскым замком. Без сомнѣву, была то первотна назва рѣкы. Словацка форма Orava (Oravia) первый раз упоминать ся в документѣ в року 1314.^[2]

В роках 1954–1958 в горном току Оравы выбудовали водный резервоар Оравска преграда.

Ток рѣкы

Орава в сучасности вытѣкать зоз рукотворного акумулачного водного резервуара Орава (Оравска преграда), до котрого ся вливають рѣкы Чорна Орава, што мать выток в Польщи, и Бѣла Орава, а ещи десяткы меншых поточкох, меджи котрыма ся выокремлять Оравиця. До створѣня штучного водного резервуара (1958) ся поважовало, же Орава ся формуе сутоком Бѣлой и Чорной Оравы. Тече напрямом югозападным и вливать ся до Вагу около села Кральованы.

Рѣка Орава — едина векша рѣка в Оравской жупѣ. Найвекшы мѣста в ей току суть Тврдошин и Долный Кубин.^[3] В локалитѣ Оравскый Подзамок на 112-метровой скалѣ понад рѣков стоить Оравскый замок, давне сѣдлиско администрации Оравской жупы, а днесь словацка памятка истории и културы и вызнамна туристична атракция.

Жерела и одказы

• Orava //Ottův slovník naučný. Illustrovaná encyklopaedie obecných vědomostí. Díl 18. Vyd. J. Otto. V Praze, 1902. Ss. 837–838. чеш.
• Orawa. Encyklopedia_PWN_(internetowa). https://encyklopedia.pwn.pl/haslo/;3951542. [перевірено 2021-01-14].пол.