Орадя

Орадя, рум. Oradea, лат. Varadinum, мад. Nagyvárad, нѣм. Groß­wardein — город на рѣцѣ Шебеш-Кереш о 13 км од мадярской границѣ.^[2] Русинска исторична назва: Великый Варадин.

Город Румынии Орадя Oradea рум. Застава Герб Давны назвы Varadinum, 1113 Держава РумынияРумыния Провинция (жудець) Бигор Староста (приматор) Florin Birta (2020) Координаты 47.072222, 21.92111147°04′20″ с. ш. 21°55′16″ в. д.47.072222° с. ш. 21.921111° в. д. (G) (O) (Я) Розлога 116 км² Надморска вышка (центер) 102–249 м Обывательство 196 367[1] особ (2011) Часова зона UTC+2, влѣтѣ UTC+3 Телефонный код +40 0259 Поштовый индекс 410ххх Официалный сайт рум. Орадя

Орадя — важный центер наукы и културы. Основа економикы — сфера служеб, в том числѣ торговля, транспорт, комуникации, едукация, култура и шпорт. Основный промысловый конарь — потравиновый. Ту положене сѣдлиско компании European Drinks; цукрова компания Zaharul Oradea, што входить до франко-германской компании Cristal Diamant. Иншы важны конарѣ — хемичный промысел (компании Sinteza, Adeplast,Plastor), електротехничный и електронный (Samsung, Hanil, Dongy­ang,Celestica, AMT Group) тай иншы.^[3]

История

Первый раз упомянутый в року 1113 яко Varadinum. Закладательом города быв мадярскый краль Ласло I. (1040–1077–1095), котрый сюды умѣстив бигорске бискупство и зачав ту будовати великоварадинску катедралу, до котрой по закончѣню ставбы перенесли його останкы. По канонизации Святого Ласла (1192) город став ся центром паломництва и упокоиском далшых мадярскых кральох аж до XV. стороча. В року 1241 спустошеный Монголами.^[3] В роках 1660–1692 под владов Османох, дале под мадярсков владов аж до року 1918, коли прилучив ся ку Румынии.^[2] В року 1940 подля Другой вѣденьской арбитражи вернув ся в Мадярске кральовство, од октобра 1944 по марец 1945 быв под совѣтсков военсков администрациев, дале под румынсков владов.^[3]

Вызнамны родаци

• Петер Пазмань (1570–1637), йезуита, мадярскый примас, филозоф, теолог, политик.
• Миклош Козма (1884–1941), правник, мадярскый политик, регентскый комисарь Подкарпатя.

Жерела и одказы

• Лобанов М. М. ОРАДЯ //Большая российская энциклопедия. Том 24. Москва, 2014, стр. 311 Верзия: 2016. Одчитане: 22.01.2021
• Oradea. Encyclopedia Britannica. 30 Oct. 2013. https://www.britannica.com/place/Oradea. [перевірено 2021-01-22].англ.
• Populaţia stabilă pe judeţe, municipii, oraşe şi localităti componenete la RPL_2011. 31 October 2011. http://www.recensamantromania.ro/rezultate-2/. [перевірено 2021-01-22].рум.