Острава

Острава, чеш. Ostrava, нѣм. Ostrau — третий найвекшый город в Чехии по Празѣ и Брнѣ. Административный центер Моравскошлезского края. Великый промысловый, научный и културный центер державы.^[2][3]

Третий найвекшый город Чехии Острава Ostrava чеш. Застава Герб Держава ЧехияЧехия Край МоравскошлезскыйМоравскошлезскый Исторична земля Морава, Чешска Шлезия Магистрат Magistrát města Ostravy Prokešovo náměstí 8 729 30 Ostrava Координаты 49.835556, 18.292549°50′08″ с. ш. 18°17′33″ в. д.49.835556° с. ш. 18.2925° в. д. (G) (O) (Я) Розлога 214,23 км² Надморска вышка 208–334 м Обывательство 284 982[1] особ (2021) Часова зона UTC+1, влѣтѣ UTC+2 Телефонный код +420 59 Поштовый индекс 702 00 – 730 00 LAU CZ0806 554821 Официалный сайт чеш.англ. Острава

История

Перва исторична упоминка датована роком 1267, в року 1279 Острава достала статус города. Належала чешскому кральовскому дому Пржемысловичох, а од рока 1526 дому Габсбургох В року 1556 потерпѣла од пожара, а в року 1625 пережила епидемию чумы.^[2]

Острава лежить в богатом камяноугольном ревирѣ, вдякы чому ся стала центром тяжкого промысла с давныма традициями, зачатыма в року 1830, коли на Витковицкой желѣзарни быв выставленый первый высокый пец. Дакотры зоз угляных долох ся простирають до границь города. В року 1847 отворило ся желѣзничне споѣня з Вѣдньом и Краковом (K.u.K. Privilegierte Kaiser-Ferdinands-Nordbahn). Обывательство региона было затруднене переважно в горництвѣ и в металлообробцѣ.^[3]

Днешность

Газдовство

Острава — центер Моравскошлезского индустриалного региона. Традичны конарѣ: желѣзне гутництво, машинарство, хемичный промысел и потравинарство. В сучасности долованя угля малѣе, а частка машинарства росте. Долованя угля ся переважно ограничуе на выробу ливарского кокса Ostravsko-karvinské doly теперь належать нидерландской компании New World Resources, NWR. Найвекшый чешскый гутницкый комбинат Kunčice и ряд иншых выробни того конаря належать французской ArcelorMittal.^[2]

Наука и култура^[2]

Высшы школы:

• Технична универзита (VŠB–TUO, основана 1849 яко Горнича академия Пршибрам; од 1945 в Остравѣ)
• Остравска универзита (1991);
• Бизнесова школа (2000);
• Конзерватория Леоша Яначка (1953; сучасный статус од 1959).

Театры:

• Народный. Моравскошлезскый театер, 1919, з оддѣлами
  • Оперный театер Антонина Дворжака (бывшый Муниципалный театер, 1919)
  • Театер Йиржи Мирона (1906)
• Театер Петра Безруча (1945; драма, музикал)
• Бабковый театр (1953)
• Коморна сцена «Арена» (1994).
• Яначкова филгармония и др.

Жерела и одказы

• Лобанов М. М. ОСТРАВА // Большая российская энциклопедия. Том 24. Москва, 2014 Online version (2016);одчитане: 09.11.2021{{ref-ru}
• Ostrava (по англицкы). Encyclopaedia Britannica. 30 Apr. 2013. https://www.britannica.com/place/Ostrava. [перевірено 2021-11-09].