Пацеркы

Пацеркы (фонетичнѣйше пацьоркы) — спомога, хоснована при читаню молитв, напримѣр ружанця у католикох.

Англиканскы пацеркы

Египетскы пацеркы з коптскым крестом

Буддистичны пацеркы

Вервиця

Етимология

Назва пацеркы походить од назвы молитвы Патер ностер.^[1]

Католицкы пацеркы

Подробно см.: Ружанець

Обычайно тото шнурок, замкнутый в коло, котрый мать пять групп по десятцѣ нанизаных кульок або косток, оддѣленых пролишками, припадно векшыма кульками, костками. В едном мѣстѣ мать одбочку зоз пятьма кульками або костками, на конци з крижиком. Тото ся дотыкать пацерок, хоснованых католиками при ружанцю.

Иншы виды пацерок

Про шпециалны виды ружанця

Суть шпециалны виды ружанця, де ся медитуе о иншых радостных або болестных подѣях. Напримѣр, на день Дѣвы Марии Болестной (15. октобер) читать ся семиболестный ружанець (7×7), де ся споминать на сѣм утрапѣнь Богородицѣ^[2][3] При читаню шпециалных ружанцьох тыж хоснують шпециалны виды пацерок.

В иншых конфессиях

Иншы конфессии мають свои каноны дотычны числа и порядка читаня молитв, або религийной медитации. Одповѣдно, хоснованы при тому спомогы мають иншу конштрукцию и суть правлены з иншых материалох, респективно иншыма способами.

Жерела и одказы

• Olvasó. // Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935. Köt. 15. C. 733.
• Четки и лестовка. // Энциклопедический словарь / под ред. проф. И. Е. Андреевского. - Санкт-Петербург : Ф. А. Брокгауз, И. А. Ефрон, 1890-1907/ Т.38а. Сс. 737–738. Доступно online
• Семиболестный ружанець (англ.)
• Семиболестный ружанець (чеш.)