Петровци

Петровци, хорв. Petrovci, суть русинске село в Хорватии, в историчном регионѣ Славония, в общинѣ Богдановци жупы Вуковар-Срѣм. Векшина обывательох суть етничны Русины.

Суть другы вызнамы, см. Петровци (вызнамы).

Cело Хорватии Петровци Petrovci хорв. Петровци Держава ХорватияХорватия Историчный регион СлавонияСлавония Жупа Вуковар-Срѣм Община Богдановци Координаты 45.288889, 18.94444445°17′20″ с. ш. 18°56′40″ в. д.45.288889° с. ш. 18.944444° в. д. (G) (O) (Я) Надморска вышка 98 м Обывательство 864[1] особ (2011) Часова зона UTC+1, влѣтѣ UTC+2 Телефонный код +385 (0)32 Поштовый индекс 32229

Русинска ноша з Петровець

Полога

Петровци оддалены од Вуковара о 8 км на югозапад, и лежать о 5 км на юг од од центра общины, Богдановець, з котрыма споены дорогов через Вуковар (13 км).

История

Перва документована споминка о селѣ датована роком 1435 под тогдышнов назвов Petrouch, а в року 1462 уже ся споминать под теперѣшнов назвов Petrocz.^[2]

Грекокатолицка парохия Пресвятой Богородицѣ основана в року 1837, а церква поставлена в року 1855 и рештаврована в року 1939.

Подля списованя з року 1910, 76% обывательох были Русины, 20% Сербы, 3% Хорваты.

Газдовство

Газдовство села основане на земледѣлствѣ и скотарствѣ.

Култура

История организованой културной чинности Русинох в Петровцях ся пише од року 1919.

В сучасности културны организации суть:

• КУД Йоаким Гарди — културно-умѣлецке дружство Руснакох и Украинцьох
• Клуб Младих Петровци — молодежный сполок
• КУД Руснак — културно-умѣлецке дружство Руснакох

В конци яри одбывать ся културна манифестация Русинох и Украинцьох Петровски дзвон.

Вызнамны родаци

• Осиф Костелник (1903–1936), русинскый писатель, фолклориста и културно-просвѣтный активиста.
• Владо Костелник (1930–2012), русинскый писатель, публициста и културно-сполоченскый активиста.
• Любка Сегеди Фалц (1932–2018), русинска учителька, поетеса и културно-сполоченска активистка.

См. тыж

• Руснаци у Войводини