Полис (античный)

Центром полиса быв город, а за его меджов быв готар, належный членам комуниты. Колектив сполочнѣ урядовав дѣлами полиса, як своев державов. Каждый граждан (глава родины) быв землевластник и земледѣлець, а тыж участник урядованя полисом через то, же вшиткы урядникы были выбераны. Властництво землѣ было двояке: каждый граждан мав властну таблу землѣ, а при том и въедно з комунитов мав комуналну землю и маеток. Такы два жерела зыску розвивали персоналне подузятництво и гарантовали достойный и слободный живот каждому члену полиса.^[1]

Доба архаикы: Свѣт грецкых полисох VIII. – VI. стороча до н. е. односять ку добѣ архаикы. За тоты три стороча были створены основы античной цивилизации, и сформовала ся традична грецка култура. Греци в добѣ архаикы створили уникатну державу в рамках едной комуниты — полис. Гражданами полиса были вызнаваны главы родин, залученых до комуниты. Кажда родина окремо мала свое газдовство и была независима.^[2]
Ремесла и торговля: Розвой ремесел и торговлѣ в грецкых полисах приспѣвав ку тѣсным контактам з державами Давного Выхода. Грецкы торговцѣ научили ся од Выхода бити монеты Каждый полис бив свою монету, але монеты великых торговых центрох ходили по цѣлому Середоморю. Велике росширѣня достала атенска грошова система, де найвекша единка быв талент. В дробной торговли ходила стрѣберна драхма. В VI. ст. до н. е. бык коштовав пять драхм, овця — едну драхму. Економика грецкых полисох вытворьовала лѣпшы можности про вывой товарных одношѣнь сопротив тых, што были на Выходѣ.^[2]
Колонизация: В добѣ архаикы одбывала ся Велика грецка колонизация, котра привела ку поселѣню Грекох по вшиткому Середоморю и части Чорного моря. Главнов причинов колонизации быв недостаток землѣ в полисах. Полисы тыж потребовали хосенны копалины (металы) и хотѣли мати стратегичну контролу над торговыма путями. Первыма в новы, незнакомы землѣ проникали торговцѣ и отворяли там торговы осады — апойкии.^[2]

Полис (античный)

Характеристика полиса

История

Жерела и одказы

Референции

Wikiwand - on