Рада безпечности ОЗН

Рада безпечности ОЗН — найважнѣйшый тырвало фунгуючый орган ОЗН. Подля штатуту ОЗН, несе зодповѣдность за утриманя мира и безпечности меджи народами свѣта.

Рада безпечности ОЗН
Засѣданя Рады безпечности ОЗН
Взник	1946
Сѣдлиско	Ню Йорк, США
Материнска организация	Организация Зъедноченых Народох
Официалный сайт	https://www.un.org/securitycouncil/

Зложѣня и принцип роботы

Рада складать ся зоз 15 членох: 5 конштантных (Россия, США, Велика Британия, Франция и Китай), а иншы 10 выберають ся на два рокы на Валной Громадѣ ОЗН. Рѣшѣня Рады безпечности ОЗН принимають на основѣ принципа консензуса и суть повинны про всѣх членох ОЗН.^[1]

Право вета

Конштантны члены мають право вета, котре означать право заблоковати хотьяке рѣшѣня Рады безпечности ОЗН. Од основаня Рады безпечности до року 2022 были заветованы 264 рѣшѣнь. Про блокованя стачить вето од едного конштантного члена Рады, але дакотры рѣшѣня достали вецей як едно вето. Найвецераз поужив право вета СССР — 90 раз, а его наступниця Российска Федерация (од року 1991) — еще 30 раз.^[2].

Поужитя права вета (1946–2022)[2]
Штат	число вет
Союз Совѣтскых Социалистичных Републик / Российска Федерация	120
Споены Штаты Америцкы	82
Споене кральовство Великой Британии и Сѣверной Ирландии	29
Французка република	16
Китайска република / Китайска людова република	17
довъедна	264

Жерела и одказы

• Прохоров А. М. (гл. ред.). Большой энциклопедический словарь. Москва: Советская энциклопедия, 1993. 1630 с. ISBN 5-85270-015-0