Скандербег
From Wikipedia, the free encyclopedia
Remove ads
Георг Кастриоти (Kastrioti) (*~1405[1][2][3][4][5] — †17. януар 1468), вожда ослободителного боя албанского народа против османскых завойовникох, националный герой Албании. Походив из княжого роду Кастриоти. Дѣтваком быв одданый вкупѣ зо старшыма братами в заложникы турецкому султану Мураду II., по часѣ служив в його войску. За талант воеводы заслужив титулу бея и на честь Александра Македонского имя Искендер, одты його турецке имя Skënderbeu (Искендер-бей). Але тайно ладив ся ку бою против султана, мав контакты з його противниками. В битвѣ мадярскых войск под проводом Яноша Гуняди зо султанскыма при Нишу (3. новембер 1443) Скандербег зо своима 300 албанскыма конниками лишив турецкый табор и перейшов на сторону противника. Опираючи ся на Албанцьох, поддержавшых його вызву ку ослободителному антиосманскому восстаню, и антиосманскых союзникох зачав бой, замѣреный на выгнаня Туркох из албанскых земель. Через недовгый час заяв свой родинный замок Крую и быв выголошеный головов княжества Кастриоти. Выгнав турецкы гарнизоны из цѣлого ряда замкох. Зъединив албанскых феодалох, перетворив народну домобрану на регуларне войско, складене переважно из селян. Под веденьом Скандербега албанскый народ понад 24 рокы отбивав пробы османскых завойовикох восстановити свою владу.[6] Скандербег властнив нехотьякый талант державника, знав побороти великы внутро- и вонкашнополитичны тяжкоты, выкликаны сепаратизмом албанскых феодалох, корыстливов политиков Венеции и папского престола.
Remove ads
Жерела
- Skanderbeg //Encyclopaedia Britannicа (онлайн) ]
- Skanderbeg //Ottův slovník naučný. Том 23, сс. 252-253.
- Календарь Z. ДНИ РОЖДЕНИЯ 6 МАЯ. Скандербег.
- Кастриот, Георг //Энциклопедический словарь Брокгауза и Ефрона
- ПОВЕСТЬ О СКАНДЕРБЕГЕ. СРЕДНЕВЕКОВЫЕ ИСТОРИЧЕСКИЕ ИСТОЧНИКИ ВОСТОКА И ЗАПАДА
- Скандербег //Советская историческая энциклопедия
Референции
Wikiwand - on
Seamless Wikipedia browsing. On steroids.
Remove ads