Слободны умѣня

Слободны умѣня, з лат. liberalis ars — термин, котрый походить з античного свѣта, де слободныма умѣнями поважовали предметы общого розвою интелекту штудента в протикладѣ зоз професионалныма або техничныма предметами, потребныма про фахову приготовку. Иншака назва: гуманитарны умѣня.^[1]

Сѣм слободных умѣнь (з книгы Herrad von Lansberg Hortus delicarium (1180). В серединѣ горѣ в полукругу алегорична фигура Филозофии, под нев Сократ и Платон. Доокола алегоричны образы Граматикы, Реторикы, Диалектикы. Музикы, Астрономии, Геометрии, Аритметикы

Сѣм слободных умѣнь

Еще инша назва, сѣм слободных умѣнь, была в широком хоснованю в середновѣку. Не были то умѣня в сучасном вызнамѣ, але включали и основны наукы, котры еще ибыли лем во своем зачатку. Школны програмы дѣлили ся на два курзы, котры обнимали довъедна сѣм предметох.^[2]

I. Trivium – три предметы

1. Grammatica – Граматика
2. Retorica – Реторика
3. Dialectica – Диалектика

II. Quadrivium – четыри предметы

1. Astronomia – Астрономия
2. Aritmetica – Аритметика
3. Geometria – Геометрия
4. Musica – Музика

Сучасны програмы

В сучасном вызнамѣ понятя слободны умѣня обсягують литературу, языкы, филозофию, историю, математику и др. наукы.^[1]

Жерела и одказы

• Дзюба О.М.: Сім вільних наук, сім вільних мистецтв. //Енциклопедія історії України : у 10 т. / Смолій В. и др. (ред.). Інститут історії України НАНУ. — К. : Наук. думка, 2003-2013. ISBN 966-00-0632-2 Том 9. ISBN 978-966-00-1290-5 С. 576.
• Liberal arts (по англицкы). Encyclopaedia Britannica. https://www.britannica.com/topic/liberal-arts. [перевірено 2019-08-26].