Смолник (Бещадскый повіт)
From Wikipedia, the free encyclopedia
Remove ads
Смолник поль. Smolnik – село в Польщи, положене в Подкарпатском воеводствѣ, в Бещадском повѣтѣ, в гминѣ Лютовиска, над рѣков Сан при воеводской дорозѣ ч. 896. Найблизшым мѣстом суть Устшыки Дольне в одстояню 23,7 км.[2]
.jpg)
Remove ads
История
Село находить ся недалеко од осады Журавин, котра уже ествовала в року 1444 и была найдавнѣйшов осадов в горном току Сана.[3] Сам Смолник быв заложеный по року 1530 на волошском правѣ,[4] а еще и в року 1855 спомянутый в штатистичном справозданю яко Смолник при Журавину.[5] В даньовых реестрах споминать ся первый раз под роком 1589. В року 1889 в селѣ были 562 обывателе, з того грекокатоликы — 371, римокатоликы — 83, израелиты — 74; подля народности были 337 Русины, 160 Поляци, 26 Нѣмцѣ.[1]
Од року 1945 по 1951 село належало до Львовской области УССР, а пак было вернуте Польщи але без обывательства, котре примусово розселили в УССР. Помалы хыжы были розобраны, окрем церкви.[3]
Remove ads
Днешность
Село днесь находить ся на храненой територии Ландшафтного Парка Долины Сана, поль. Park Krajobrazowy Doliny Sanu. Векшина територии парку лежить над 500 м над морьом, и 80% покрыто игелкастыма лѣсами. В самом Смолнику ку храненым объектам парку належить бойковска церква Св. Архангела Михаила з року 1791.[6] Церква того типу е една з двох, котры ся заховали в Польщи, друга е в сканзенѣ в Саноку. Днешне село выбудоване зостало на новом мѣстѣ, о 1 км на сѣвер од памятковой церкви.[3] Церква од року 2013 е в Свѣтовой дѣдовизнѣ UNESCO.
Ку шолтыству Смолник належить и осада Журавин, котра лежить прямо на украинской граници и числить 11 особ. Шолтыска обох локалит — Małgorzata Pełdiak.[7]
Remove ads
Вызнамны особы
В Смолнику в роках 1918-1935 служив о. Йоанн Полянскый, грекокатолицкый священик и русинскый народовець. В той добѣ грекокатолицка громада числила понад 400 вѣрникох.
Жерела и одказы
Референции
Wikiwand - on
Seamless Wikipedia browsing. On steroids.
Remove ads