Ханкенди

Ханкенди́  слухати (файл) (азер. Xankəndi, арм. Խանքենդի),^[1] ай Степанаке́рт (арм. Ստեփանակերտ)^[2] — город в Азербайджанѣ. Лежить на меджинародно вызнаной територии Азербайджана, котру давно контроловала невызнана Република Арцах. Подля административного устрою Азербайджана — город републикового рангу^[4].

Город в Азербайджанѣ Ханкенди[1] Степанакерт[2] азер. Xankəndi арм. Ստեփանակերտ Застава Ханкенди Регион Южный КавказЮжный Кавказ Держава АзербайджанАзербайджан Мер Сардар Сафаров Координаты 39.815278, 46.75194439°48′55″ с. ш. 46°45′07″ в. д.39.815278° с. ш. 46.751944° в. д. (G) (O) (Я) Розлога 29,12[3] км² Высота центра 853 м Обывательство 58 300[3] особ (2020) Часова зона UTC+4 Телефонный код +374 47 (9) +994 26 22 Поштовый индекс   Официалный сайт [khankendi.az] азер. Ханкенди[1] Степанакерт[2]

Етимология

Подля арменскых середновѣкых жерел Степанакерт быв розбудованый на мѣстѣ давного арменского села Вараракн (арм. Վարարակն скора ярь), а така была его локална арменска назва аж до року 1923,^[5] коли болшевици прейменовали го на честь Степана Георгиевича Шаумяна на прозывку Кавказскый Ленин, арменского болшевицкого комисаря, едного з вождьох Бакинской комуны.^[6]

Векшина азербайджанскых жерел твердить, же ту аж в конци XVIII. стороча, в добѣ Карабахского ханства, было створене Ханске село (азер. Xanın kəndi), познате под тов назвов, бо ту бывали лем ханска фамилия и родина,^[7] а од XIX. ст, в роках 1847–1923, уже под владов России, прейменовали го на Ханкенди (азер. Xankəndi).^[8]

История

По Октобровой револуции став ся объектом вымаганя арменской и азербайджанской републик. Жебы тот спор вырѣшити, была створена НКАО в составѣ Азербайджанской ССР. По роспадѣ СССР конфликт обновив ся. 2. септембра 1991 Степанакерт быв выголошеный за столицю Републикы Нагорный Карабах. На то влада Азербайджанской ССР 26. новембра 1991 прейменовала город на Ханкенди, ай быв аж до мая 1992 тяжко обстрѣльованый, покы арменскы силы Карабаха не вытѣснили противника з околичных высот и города Шуша.^[8]

Газдовство

Ханкенди — быв едным з промысловых центрох Азербайджана. Основный сектор газдовства — службы: финанчны, транспортно-логистичны, торговля, здоровництво, утриманя войсковых объектох. Потравиновый (коняк, конзервы) и легкый промысел (обувь, коверцѣ), продукция ставебных материалох, бутора и годинок.^[8]

Наука и култура

В городѣ суть: Арцахска державна универзита (1969), Арцахскый державный историко-краеписный музей (1939), Драматичный театер В. Папазяна (1932); Державны ансамблѣ: спѣванкы и танця НКР (1958), Арцахи баликнер (1992); Державный камерный хор Вараракн (1990). Каждорочно ся одбывать меджинародный фестивал класичной музикы Тнджре (од року 2010).^[8]

Типовый арменскый коверець

Обывательство

Рок	Армены		Азербанджанцѣ[9]		Иншы		Довъедна
	Особ	%	Особ	%	Особ	%
1897[10]	628	42.0	442	29.6	425	28.4	1,495
1926[11]	2,724	85.4	343	10.8	122	3.8	3,189
1939[11]	9,079	86.8	672	6.4	708	6.8	10,459
1959[11]	17,640	89.5	1,143	5.8	920	4.7	19,703
1970[11]	26,684	88.1	2,762	9.1	847	2.8	30,293
1979[11]	33,898	87.0	4,303	11.0	747	2.0	38,948
2005[12]	49,848	99.7	2	0.0	136	0.3	49,986
2010[13]	52,900						52,900
2015[14]	55,309						55,309
2021[15]	75,000						75,000

Жерела и одказы

• Xankändi. Encyclopedia Britannica. 5 Oct. 2020. https://www.britannica.com/place/Xankandi. [перевірено 2023-07-03].англ.
• Баранчиков Е. В.. СТЕПАНАКЕРТ. // Большая российская энциклопедия. Том 31. Москва, 2016. стр. 225. https://old.bigenc.ru/geography/text/4165408. [перевірено 2023-07-03].русс.