Суртсей
From Wikipedia, the free encyclopedia
Remove ads
Суртсей, исл. Surtsey 
['sør̥tsɛi] (файл) — новодобый сопечный остров, оддаленый о 32 км на юг од Исландии. Остров появив ся над гладинов океана 14. новембра 1963 яко резултат вулканичной ерупции и выростав до 5. юна 1967, коли активность вулкана выгасла. Максимална плоха острова была 2,7 км2, але одтогды ерозия наполы го зменшила.[1] Остров и его морска околиця суть храненым объектом UNESCO под числом 1267 од року 2008[2] и вступ на него мають лем учены, котры позорують, як ся там будуть розвивати формы живота. Остров е в юрисдикции Исландии.
Remove ads
Етимология назвы
В року 1965 остров быв названый подля великана Суртра, котрый е богом огня висландской мифологии.[3] В исландском языку ey означать остров, так же Суртсей — Суртров остров.
Формы живота
Ростлины
В року 1965 на островѣ учены нашли мохы, а в року 1970 — и лишайникы. В року 1998 быв найденый первый крячок вербы бобколистой (Salix phylicifolia), котра може вырости до вышкы 4 метры. В року 2008 были найдены 69 виды ростинства, и каждорочно ся тото число звекшуе на около 2-5 новы виды ростлин. Про поровнаня на сосѣдном великом островѣ Исландия суть около 490 виды.[4]
Звѣрята
По мѣрѣ того як розвивать ся ростинство, все веце новы виды пташства навщивлять остров, або и салашат ся на островѣ. В року 2008 ту нашли 14 виды птиць.[4]
Remove ads
Жерела и одказы
Референции
Wikiwand - on
Seamless Wikipedia browsing. On steroids.
Remove ads