Чертижне (гмина Устя Горлицке)

Чертижне, пол. Czertyżne — опущене село на юговыходѣ Польска, котре было до акции Висла лемковске^[1].

Суть другы вызнамы, см. Чертижне.

Чертижне, мапа з року 1936

История

Взник

Чертижне взникло в року 1584, як една з найпозднѣйшых осад, о 7 км оддалена од Устя Руского, основана краковскыма бискупами, належала ку грекокатолицкой парохии Баниця.^[2] Назва походить од чертеж 'вырубана часть лѣса'. Деревяна грекокатолицка церква св. архангела Михаила выставлена в року 1791, по опущѣню села в року 1952 зостала розобрана.^[3]

Новша история

В медживойню невелика осада мала около 25 газдовств, доста заможных, як ся поважовало, вдякы свойой микроклимѣ в закрытой од вѣтра и добрѣ експонованой сонцю долинцѣ.^[4] По Другой свѣтовой войнѣ было обывательство выселене на Украину и на новозысканы западны землѣ. По селѣ зостав лем цинтерь и о 200 м дале — крест, котрый указуе, де была розобрана церква.

Жерела и одказы

• Czertyżne w Słowniku geograficznym Królestwa Polskiego. T. I: Aa – Dereneczna. Warszawa 1880. с. 836]