Шенчоу-5
From Wikipedia, the free encyclopedia
Remove ads
Шенчоу-5 (што значить Божественна лодь-5) быв первый пилотованый козмичный лет, реализованый Китайсков людовов републиков 15. октобра 2003, з чим ся она стала третьов по СССР и США козмичнов великодержавов. Первым китайскым козмонавтом став ся 38-рочный Янг Ли-вей, военскый пилот. Перед тым летом, зачавши од року 1999 былы еще четыри леты козмичной лоди типа Шенчоу без людской обсады.
Шенчоу-5
Параметры лета
Ход лета
Лет штартовав з козмодрома Чучуан на сѣверѣ Китая, найвекшого козмодрома державы в 01:03 UTC 15. октобра 2003. Лодь вышла на высоту 343 км по 10 минутах лету, по чому козмонавт скоректовав параметры орбиты. Лодь 14 разы облетѣла Землю за 21 годину 22 мин 45 сек, за тот час два разы козмонавт одпочивав, каждый раз по три годины.[1]
По сповнѣню програмы козмонавт одкапчав вертаный аппарат од орбиталного модула и зачав маневер пристаня. Орбиталный модул зоставав на орбитѣ в автономном летѣ до 30. мая 2004.
Вертаный апарат пристав в пустыни Гоби во внуторной Монголии в точцѣ 42°14′36″N 111°29′36″E.[1] Мѣсто пристаня было оддалене од планованого о 4,8 км. О 15 минут по пристаню козмонавт Янг Ли-вей выйшов з апарата, по чому было официално звѣдомлено о успѣшном завершѣню первого пилотованого козмичного лета КЛР.
Вертаный апарат быв розрахованый на 3 особы и створеный на базѣ спущаной капсулы совѣтской козмичной лоди Союз.[1]
Remove ads
Шенчоу и Союз
Китайскы представителе навщивили майже вшиткы Российскы компании, што звязаны з козмосом и ракетами и хотѣли купити комплетну лицензию на лодь Союз, але як учули цѣну, одступили ся од того. Жадных меджиурядовых контрактох не было, але в серединѣ 1990-х через приватных особ купили технологии спущаного модула (капсулы) лоди Союз од ракетной компании Енергия и застарѣлу систему наведеня и стыкованя од ей украинской филиалкы. В року 1999 выпустили на орбиту перву лодь Шенчоу, котра подля зъявненых анимаций была барз подобна на Союз.[2]
Хоть дизайн и технологии суть подобны, але не мож говорити, же тото копия Союза. Точно так бы мож говорити, же Союз е копия америцкой лоди Аполло.[3]
Наслѣдкы
В КЛР первый успѣшный пилотованый козмичный лет широко славили. Вшиткы масмедии вѣстили о нем як о триумфѣ китайской наукы и технологии, великом досягнутю китайского народа. Предсѣдник КЛР Гу Чин-тао, котрый быв на козмодромѣ при штартѣ, повѣв, же тота подѣя е гордостьов его отчизны, тото историчный крок китайского народа ку вершинѣ свѣтовой наукы и технологии.
В России в року 2005 директор компании ЗАО «ЦНИИМаш-Экспорт» Игорь Решетин и еще четверо особ были арештованы яко подозрѣваны зо шпионажу на хосен КЛР и переданя козмичных технологий. В року 2007 академик Решетин быв засудженый на 111/2 рокы табора строгого режима, а иншы трое од 5 до 11 рокы.[4] Пораховано им, же ошкоднили державу о 110 млн руб.
Remove ads
Одказы
Референции
Wikiwand - on
Seamless Wikipedia browsing. On steroids.
Remove ads