Унитарна держава

[[File:Map_of_unitary_and_federal_states.svg|thumb|400px|

Унитарны и федеративны державы свѣта:

  Унитарны

  Федеративны]]

Унитарна держава (фр. unitaire единый, лат. unitas единство) — форма державного зряджѣня, при котрой векша часть або вшитка влада централизована. Тота форма е протикладом федеративной державѣ.^[1]

Характеристика

Складовы части унитарной державы суть административно-териториалныма зложками без статуса державной формации. Унитарна держава мать едну уставу, едну легислативу, едно горожанство, едину едноуровневу систему органох державной влады и справованя, едну судову систему, единый буджет и даневу систему и т.д., едным словом, вшиткы уровни влады суть згорнуты до единой общедержавной администрации. В административно-териториалных зложках унитарной державы, попри органах, выбраных обывательством (посланцѣ до мѣстной влады), суть присланы державов (президентом, министерством внутра) представителе (владный комисарь, префект и др.), котры мають дозорно-контролны функции и рѣшають координачны, долагодны ай интегративны задачи.^[2]

Мягшы варианты

Автономия

Унитарна держава може дати окремым зложкам автономию. Напримѣр, в составѣ Никарагуа суть двѣ автономны области, населены Индианами; в составѣ Финландии суть автономны Аланды.^[2]

Регионална самосправа

В розвитых демократиях унитарна держава во векшой мѣрѣ децентрализована, напримѣр, Франция и Велика Британия дають широку самостойность своим регионам.^[2]

Жерела и одказы

• Unitary state. Encyclopedia Britannica. 7 Aug. 2019. https://www.britannica.com/topic/unitary-state. [перевірено 2021-11-11].англ.
• Бекяшев К. А. (2017). УНИТАРНОЕ ГОСУДАРСТВО. // Большая российская энциклопедия. Том 33. Москва. p. стр. 44. https://old.bigenc.ru/law/text/4699517.русс.

Commons

Вікісклад має мултімедіалны дата на тему:

Унитарна держава

Референции

1. Encyclopedia Britannica
2. Бекяшев К. А.