![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/2d/%25D0%259A%25D1%2583%25D0%25BB%25D0%25B3%25D0%25B0%25D0%25B0%25D1%2585.jpg/640px-%25D0%259A%25D1%2583%25D0%25BB%25D0%25B3%25D0%25B0%25D0%25B0%25D1%2585.jpg&w=640&q=50)
Истии кэhиллиитэ
From Wikipedia, the free encyclopedia
Истии кэhиллиитэ — толору (дьүлэй буолуу) эбэтэр кыралаан (дөйүңү буолуу), дорҕоону, тыаhы-ууhу истэр уонна ылынар кыах намтааhына. Дорҕоону, тыаhы-ууhу ылынар, истэр хайа баҕарар организм истэрэ кэhиллиэн сөп. Дорҕоон долгуннара тыбылынан (частотатынан) уонна далааhынынан (амплитуданан) араастаhаллар. Истии кэhиллиитэ диэн тыас-уус тыбылын (частотатын) сороҕун (барытын), эбэтэр дорҕоон намыhах далааhынын (амплитудатын) араарбат буолуу ааттанар.
![Thumb image](http://upload.wikimedia.org/wikipedia/commons/thumb/2/2d/%D0%9A%D1%83%D0%BB%D0%B3%D0%B0%D0%B0%D1%85.jpg/640px-%D0%9A%D1%83%D0%BB%D0%B3%D0%B0%D0%B0%D1%85.jpg)
![Thumb image](http://upload.wikimedia.org/wikipedia/commons/thumb/f/fa/International_Symbol_for_Deafness.svg/320px-International_Symbol_for_Deafness.svg.png)
Бу элбэх биологическай уонна экологическай фактордартан тутулуктаах. Кулгаах ис өттө уонна истэр нерв ыарыылара, орто кулгаах сүhүрүүтэ эбэтэр менингит, грипп уо.д.а. инфекционнай ыарыылар; сороҕор – эчэйии (травма) эбэтэр уhун кэмнээх улахан тыас уонна илигирээhин (вибрация) төруөт буолуохтарын сеп.
Киhи саңаны истэрэ кэhиллиитэ дьүлэй буолуу дэнэр, оттон саңаны ылыныы кыратык кэhиллиитэ – дөйүңү буолуу дэнэр (нейросенсорнай, кондуктивнай эбэтэр булкаас (смешаннай) характердаах). Итини таhынан, дьүлэй буолуу төрүөҕүттэн эбэтэр кэлин үөскээбит (приобретеннай) буолуон сеп.