Александров Семен Лаврентьевич

Александров Семен Лаврентьевич (13.09.1918—28.08.1986) — саха живописеһа.

1918 с. балаҕан ыйын 13 күнүгэр Амма улууһун Өнньүөс сэлиэнньэтигэр төрөөбүтэ.

1941 с. Иркутскайдааҕы уус-уран училищены, 1954 с. Ленинграадтааҕы Репин аатынан Живопись, скульптура уонна архитектура институутун живописнай факультетын бүтэрбитэ.

Айар үлэтэ

Айымньыларын уратыта - живопиһын уонна уруһуйун үрдүк култуурата. Ордук мэтириэккэ элбэхтик үлэлээбитэ. Талаана чаҕылхайдык 60-с сылларга арыллыбыта. Киһи ис туругун өйдүүрэ уонна ону кырдьыктаахтык биэриитэ - худуоһунньук күүстээх өрүтэ буолар^[1]

Үлэлэрэ:

• Ыанньыксыт М. Никитина (1960)
• Табаһыт Н. К. Курилов (1966)

1986 с. атырдьах ыйын 28 күнүгэр Дьокуускайга өлбүтэ.