Захаров Виктор Николаевич

Захаров Виктор Николаевич (07.02.1901, Чекунда с. —16.08.1981, Томмот, Алдан улууһа, Саха АССР) — Эмэлдьээктээҕи сүлүүдэлээх сир бастакы арыйааччыта, Аҕа дойду Улуу сэриитин кыттыылааҕа.

Захаров Виктор Николаевич
Төрөөбүт күнэ	7 олунньу 1901({{padleft:1901|4|0}}-{{padleft:2|2|0}}-{{padleft:7|2|0}})
Төрөөбүт сирэ	Чекунда с.[1]
Өлбүт күнэ	16 атырдьах ыйын 1981({{padleft:1981|4|0}}-{{padleft:8|2|0}}-{{padleft:16|2|0}}) (80 сааһыгар)
Өлбүт сирэ	Томмот, Саха АССР
Сулууспалаабыт дойдута	ССРС ССРС
Сулууспалаабыт сыллара	1943—1946
Солото	Ефрейтор
Кыргыһыылар/сэриилэр	Аҕа дойду Улуу сэриитэ; ССРС-Япония сэриитэ
Наҕараадалара	«Сэбиэскэй Заполярье көмүскэлин иһин» мэтээл

Бикипиэдьийэҕэ маннык араспаанньалаах дьон туһунан ыстатыйалар бааллар, көр Захаров.

Олоҕун олуктара

Дьоно Аммалар. Амырга эргиммиттэр. 1901 сыллаахха олунньу 7 күнүгэр Чекунда сэлиэнньэҕэ^[1] төрөөбүт. Алдаҥҥа 1924 сыллаахха кэлбиттэр. Дьонун кулаак оҥорбуттар. Булдунан дьарыктаммыт.

1940 сыл алтынньытыгар, бултуу сылдьан, өлөрбүт эһэтин арҕаһыгар сүлүүдэ булан, Эмэлдьээктээҕи сүлүүдэлээх сир бастакы арыйааччытынан буолбут^[2].

Аҕа дойду Улуу сэриитигэр

Кыһыл Аармыйаҕа 1943 сыллаахха бэс ыйыгар Алдан оройуонун военкоматынан ыҥырыллыбыт. 1943 сылтан Волховскай, Ленинградскай, Карельскай фроннарга сэриилэспит. Сапер.

Наҕараадаҕа түһэриллибит докумуонуттан^[3]:

8 октября 1944 г. действуя в штурмовой группе лейтенанта Журавлева т. Захаров участвовал в штурме укрепленного рубежа на высоте 373.1. Ефрейтор Захаров, рискуя жизнью, под шквальным огнем противника подобралмя к ДОТу, из которого противник вел пулеметный огонь по нашей пехоте. Пехота залегла и штурм опорного пункта срывался. Т. Захаров броском 2х противотанковых гранат заставил замолчать огневую точку противника.

С уничтожением ДОТа стрелки 60 с.п. заняли высоту и закрепились на ней.

За проявленные храбрость и отвагу ефрейтор Захаров достоин награждения высшей правительственной наградой - присвоения звания Героя Советского Союза.

Командир батальона майор Жданов. 18 октября 1944.

Сэрии кэннэ

Аармыйаттан 1946 сыллаахха кэлбит. 1950 сыллаахха Ыллымахха (Эмэлдьээк базатыгар) олорбут. «Алданслюда» Тимптон уонна Эмэлдьээк рудниктарыгар үлэлээбит.

Биэнсийэҕэ тахсан баран, Томмокко олорбут. 1981 сыл атырдьах ыйын 16 күнүгэр өлбүт, Томмокко көмүллүбүт.

Наҕараадалара уонна ытык аттара

• Аҕа дойду сэриитин I ст. уордьана (28.11.1944; Сэбиэскэй Сойуус Геройун аатыгар түһэриллибит^[3])
• Кыһыл Сулус уордьана (28.06.1944)^[4]
• «Хорсунун иһин» мэтээл (06.09.1945; аан бастааҥҥыта — Кыһыл Сулус уордьаныгар түһэриллибит^[5])
• «Сэбиэскэй Заполярье көмүскэлин иһин» мэтээл (1945)
• «Бочуот Бэлиэтэ» уордьан (1957)
• Алдан улууһун ытык киһитэ (1967)