Краснодар

Краснодаар (1920 сылга дылы — Екатеринодар) диэн Арассыыйа соҕурулуу-арҕаа чааһыгар турар куорат. Краснодаар кыраайын уонна Кубаан киин куората^[1].

1793 сыллаахха казаактарынан Кубаан өрүс уҥа кытылыгар төрүттэммитэ. Илин Дьобуруопатааҕы дэхси сирин соҕурулуу-илин чааһыгар турар.

Улахан соҕуруу Арассыыйа култуура уонна экэньиэмикэ киинэ. Гражданскай сэрии кэмигэр Краснодарга маҥаннар салалталара баар этэ. Өссө «Кубаан киин куората»^[2] уонна «Соҕуруу Арассыыйа киин куората (Ростов-на-Донуну кытта)» диэн ааттыллар.

Краснодар — түргэнник үүнэр куораттартан биирдэстэрэ^[3]. Росстат дааннайдарынан билигин куорат олохтоохторун ахсаана — 1 154 885 киһи^[4]. Соҕуруу бэдэрээлинэй уокурук ордук улахан куората.