Курилов, Николай Николаевич

Курилов Николай Николаевич — дьүкээгир омугуттан бастакы идэтийбит худуоһунньук, ону таһынан поэт, прозаик, драматург, суруналыыс, «Геван» радиостанция үлэһитэ.

Курилов Николай Николаевич

Олоҕун олуктара

1949 сыл бэс ыйын 11 күнүгэр Аллараа Халыма улууһугар Өлүөрэ нэһилиэгэр төрөөбүтэ.

Ини-бии Куриловтар

Дьүкээгир омугун аан дойдуга биллэрбит дьонунан үс ини-бии Куриловтар буолаллар. Төрөппүттэрэ табаһыт идэлээх Николай Николаевич уонна Анна Васильевна Куриловтар норуот фольклорун үчүгэйдик билэр дьон буолан уолаттарын дьүкээгир култууратын чиҥник уонна киэҥник билэр гына иитэн таһаарбыттар. Николай убайдара Семен Курилов уонна Гаврил Курилов (Улуро Адо).

Семен Курилов дьүкээгир омугуттан бастакы идэтийбит суруйааччы, аан дойдуга биллибит «Ханидоо уоннна Халерхаа» роман ааптара.

Гаврил — лингвист учуонай, суруйааччы, дьүкээгир бастакы букубаарын ааптара. ^[1].

Наҕараадалара уонна ытык ааттара

• Тэки Одулок аатынан Саха Өрөспүүбүлүкэтин бириэмийэтин лауреата^[2] (2011)
• «Мин дойдум» диэн хоһооно (Михаил Яснов тылбааһыгар, 1987^[3]) «Брат 2» диэн Алексей Балабанов киинэтигэр иһитиннэриллэр. Киинэҕэ хоһоон тылбаастан кыра атыннаах эбит.