Кээччи

Кээччи нэһилиэк. Өлүөхүмэ улууһун нэһилиэгэ, киинэ Кээччи.

Кээччи нэһилиэк Өлүөхүмэ улууһун каартатыгар

Нэһилиэнньэтин ахсаана 414 киһи, ол иһинэн Кээччи — 391, Төгүөн — 10, Кэлийэр — 7 уонна Олом — 6 киһи (2007 сыл). Кээччи сэлиэнньэ улуус кииниттэн арҕаа диэкки 25 км.

Атын сэлиэнньэлэр Бүүрүк үрэҕинэн 90—120 км ыраах сыталлар. Олохтоохтор дьарыктара ынах-сүөһү иитиитэ, Бүүрүк үрэҕинэн — сылгы иитиитэ.

2001 сыл ыал ыйын 18 дылы Төгүөн диэн туспа нэһилиэк баар этэ, ол территорията барыта Кээччигэ киирбитэ.

Нэһилиэктэн төрүттээхтэр

• 1915 сыллаахха Харитонов Николай Николаевич төрөөбүт, уус-уран киинэҕэ уһуллубут бастакы саха артыыстарыттан биирдэстэрэ, Саха АССР үтүөлээх артыыһа.
• 1926 сыл алтынньы 6 күнүгэр төрөөбүтэ Сергеев Михаил Семенович — Социалистическай Үлэ Геройа.

Ылыллыбыт сирэ

Энциклопедия Якутии. — М., 2000.

Кээччи сэлиэнньэ. Өлүөхүмэ агрофирма нэһилиэнньэттэн үүт тутар пууна