Луконина Воля Анфимовна

Луконина Воля Анфимовна — Социалистическай Үлэ Геройа, геолог.

Билэ:Луконина Воля Анфимовна.jpg

Луконина Воля Анфимовна

Олоҕун олуктара

• 1926 сыллаахха муус устар 3 күнүгэр Саратов уобалаһыгар Вольскай оройуон Куликовка с. учууталлар дьиэ кэргэннэригэр төрөөбүт.
• 1943 сыллаахха, онус кылааһы бүтэрээт, Саратовка эвакуацияламмыт Ленинградтааҕы Государственнай университет геология салаатыгар үөрэнэ киирбит.
• 1943—1944 сс., үөрэнэр сылларыгар, госпитальга медсестраларга бааһырыылаах саллааттары көрөргө, сурук суруйалларыгар көмөлөспүт.
• 1944 с. университетын кытта Ленинградка көспүт, үөрэҕиттэн иллэҥ кэмигэр урусхалламмыт куораты чөлүгэр түһэрии үлэлэригэр кыттыбыт.
• 1948 сылтан — Үөрэҕин бүтэрэн, Алдан, Өлүөхүмэ, Саха Сирин Соҕурууҥу экспедицияларын геологическай партияларыгар начальнигынан, этэрээт старшай геологынан үлэлээбит.

ССРС Үрдүкү Сүбэтин Президиумун 1966 сыл бэс ыйын 4 күнүнээҕи Ыйааҕынан Луконина Воля Анфимовнаҕа Социалистическай Үлэ Геройун аата иҥэриллибит, Ленин уордьана уонна «Сиэрпэ уонна Балта» кыһыл сулус туттарыллыбыт.

• 1987 сылтан, пенсияҕа тахсаат, дьиэ кэргэнин кытта Ленинград уобалаһыгар Всеволожскай оройуоҥҥа олорбут.

Наҕараадалара уонна ытык ааттара

• Социалистическай Үлэ Геройа^[1] (1966)

Өссө маны көр

Социалистическай Үлэ Геройдарын тиһигэ (Саха Сирэ)