Посельская Наталья Семёновна

Посельская Наталья Семёновна (1946 с., муус устар 12 к., Москва — 2011 с. от ыйын 8 к., Дьокуускай) — балерина, балет педагога, хореограф, педагогика билимин хандьыдаата.

Олоҕун олуктара

1946 сыллаахха муус устар 12 күнүгэр Москубаҕа төрөөбүт.
Дьокуускайдааҕы хореография училищетын төрүттээбит. Училище Наталья Посельская ийэтэ, А. В. Посельская аатын, сүгэр. Училище директора уонна уус-уран салайааччыта.

Дьиэ кэргэнэ, аймахтара

• Ийэтэ — Посельская Аксения Васильевна, саха бастакы балерината.
• Аҕата — Сюльский (Алексеев) Семен Семенович (1908—1952) — Саха Сирин биллиилээх политига.
• Кэргэнэ - Тимофей Сметанин

Наҕараадалара уонна ытык ааттара

• Российскай Федерация культуратын үтүөлээх үлэһитэ
• Саха Өрөспүүбүлүкэтин культуратын үтүөлээх үлэһитэ
• П. А. Ойуунускай аатынан государственнай бириэмийэ лауреата