Протодьяконов Василий Никитич

Протодьяконов Василий Никитич — саха литэрэтиирэтин устуоруйатын чинчийбит литературовед учуонай, литэрэтиирэ кириитигэ, педагог, мэтэдиис, Таатта улууһун Ытык киһитэ, тыыл бэтэрээнэ. "Саха ырыата" (Алампа тылларыгар),"Ньургуһуннар" (Сиэн Чолбодук тылларыгар) диэн норуокка киэҥник биллибит ырыа ааптара.

Протодьяконов Василий Никитич

1934 с. от ыйын 1 күнүгэр Тааттаҕа Чөркөөххө төрөөбүтэ. 1954 с. Дьокуускайдааҕы педучилищены бүтэрэн начаалынай кылаас уонна пионер баһаатай идэтин ылбыта. Үс сыл аармыйаҕа сулууспалаан баран, 1957 с. СГУ усуторуйа-филилогия факультетын саха тылын уонна литэрэтиирэтин салаатыгар үөрэнэ киирбитэ. 1962 с. саха тылын уонна литературатын кафедратыгар ассистенынан үлэлии хаалбыта. 1965-1968 сс. университет аспирантуратыгар ситиһиилээхтик үөрэммитэ. 1968 с. кафедраҕа бастаан старшай преподавателинэн, онтон доценынан үлэлээбитэ. 1992 с. саҥа тэриллибит саха литэрэтиирэтин кафедратын сэбиэдиссэйинэн анаабыттара.

Университекка "Саха литературатын историята", "Саха литературнай критикатын историята", "Саха литературатын оскуолаҕа үөрэтии методиката" куурустары ааҕар, элбэх үөрэх кинигэтин, научнай ыстатыйалары бэчээттэттэ. Үлэтин сүрүн ис хоһооно - саха тылын күүһүн тилиннэрии, омук кырдьыгын, уратытын туруулаһыы.

Наҕараадалара, ытык ааттара

• РФ норуотун үөрэҕириитин туйгуна
• СӨ үөрэҕириитин үтүөлээх үлэһитэ^[1]
• Таатта улууһун Ытык киһитэ
• Б. Ойуунускай аатынан Судаарыстыбаннай бириэмийэ лауреата
• Хотугулуу-Илиҥҥи Федеральнай университет бочуоттаах бэтэрээнэ.

Туһаныллыбыт сирэ

• 70 лет со дня рождения В.Н. Протодьяконова Архыыптаммыт 2006, Ыам ыйын 17 күнүгэр.